قطر 3 بانکدان شیکایت ائتدی
قطر رهبرلیگی، سعودی عربیستانی، بیرلشیک عرب امیرلیک‌لری و لوکزامبورگ‌دان 3 بانکا، لندن و نیویورک‌دا شیکایت ائتدی
قطر رهبرلیگی، سعودی عربیستانی، بیرلشیک عرب امیرلیک‌لری و لوکزامبورگ‌دان 3 بانکا، لندن و نیویورک‌دا شیکایت ائتدی.
قطر حکومتی اینفورماسیون اوفی‌سین‌دن وئریلن معلوماتا گؤره، سعودی عربیستان‌دان سامبا بانک، بیرلشیک عرب امیرلیک‌لریدن بیرینجی ابوظبی بانک و لوکزامبورگ‌دان هاویلند بانک علیهینه "خاریجی بازارلاردا مانیپولاسیون ائتدیکلری قطر ریالینا ضرر وئردیک‌لری" گوناهلاندیرماسی جینایت ایشی آچیلیب.
آچیقلامادا، هاویلند بانکین نیویورک‌داکی ارز پلاتفورم‌لاریندا قطر ریالینا دایر ساختا تکلیف‌لر تقدیم ائتدیگی، قطر مال وارلیغی ایله قطرلی یاتیرمچیلارین اولدوغو بازار و اندکس‌لرین ایشلمز حالا گلمه‌سی‌نین گوددوگو ایره‌لی سورولدو.
آچیقلامادا، سعودی عربیستان و بیرلشیک عرب امیرلیک‌لری بانک‌لاری حاقین‌داکی اتهام و ضرره دایر ایسه معلومات وئریلمه‌دی.
اؤتن آی، حکومته باغلی قطر مالیه مرکزی دوزنلمه قورومو (QFCRA)، بیرلشیک عرب امیرلیک‌لرینه عایید بیرینجی ابوظبی بانکین اؤلکه‌دکی شعبه‌سی‌نین یئنی مودی هر هانسی بیر مالی عملیات آپارماسینا قاداغا قراری گتیرمیشدی.
2017-جی ایلین سونوندا قطر مرکزی بانکی، دوحه‌یه قارشی اولان اؤلکه‌لرین ایقتیصادی ضرر وئرمک مقصدیله ارز و ایستیقراض بازارلاریندا مانیپولاسیون‌لار آپاردیق‌لاری گوناهلاندیرماسی حقوقی آراشدیرما باشلامیشدی.
سعودی عربیستانی، بیرلشیک عرب امیرلیک‌لری، بحرین و مصر، ژوئن 2017ده قطره یؤنلتدیک‌لری اتهام‌لارین آردین‌دان دیپلوماتیک علاقه‌لرینی کسدیگینی چاتدیرمیش، سونرا علیهینه بلوکادا قراری آلمیشدی.
