محمود عباس فیلیسطین مسئله سینی دیرلندیردی
فیلیسطین دؤولت باشچیسی محمود عباس پایتاخت شهری دوغو قودس اولان موستقیل فیلیسطین دؤولتینین قورولماسینی نظرده توتمایان هئچ بیر پلانین اوغورلو اولا بیلمهیهجگینی سؤیلهییب.
فیلیسطین دؤولت باشچیسی محمود عباس پایتاخت شهری دوغو قودس اولان موستقیل فیلیسطین دؤولتینین قورولماسینی نظرده توتمایان هئچ بیر پلانین اوغورلو اولا بیلمهیهجگینی سؤیلهییب.
فیلیسطین-نین WAFA خبر آژانسینین معلوماتینا گؤره، محمود عباس میصرین توریستیک یئری شرم الشیخ-ده ایستارت گؤتورن "ثابتلیکده یاتیریم" باشلیقلی آوروپا بیرلیگی -عرب بیرلیگی ذیروه سینده ائتدیگی چیخیشدا دئییب: " عصرین موقاویلهسی یاخود هر هانسی بیر پلان پایتاخت شهری دوغو قودس اولان موستقیل فیلیسطین دؤولتینین قورولماسینی نظرده توتمادیغی مودتجه اوغورلو اولا بیلمز. فیلیسطین دؤولتینی تانیمایان آوروپا اؤلکهلرینین آرتیق فیلیسطینی تانیماق واختی گلیب چاتمادی می؟ بو آددیم ایسراییله قارشی آتیلمیش بیر آددیم یاخود باریش موذاکیرهلرینین آلترناتیوی دئییل. آنجاق فیلیسطین-ین موستقیل بیر دؤولت اولاراق تانینماماسی آوروپا بیرلیگی-نین پرینسیپلریله اوست-اوسته دوشمور".
ایسراییل-ین عرب و ایسلام اؤلکهلریله علاقهلرینی نورماللاشدیرما فعالیتلرینین بو اؤلکهیه باریش و دینجلیک گتیرمه یه جگینی بیلدیرن عباس باریشین تامین اولونماسیندا تک سئچیمین 2002-جی ایلده قبول ائدیلن عرب باریش پلانی اولدوغونو وورغولاییب.
آوروپا بیرلیگی-نی باریشین تامین ائدیلمهسی اوچون کونکرت آددیم آتماغا چاغیران عباس بو چرچیوهده ایسراییل-ین یئنی منزیل تیکمه فعالیتلرینین دایاندیریلماسی، آوروپا بیرلیگی اؤلکهلرینین فیلیسطین دؤولتینی تانیماسی و بمت-یه تام عضولوگونو ده احاته ائدن سیاسی و حقوقی آددیملار آتیلاراق ایکی دؤولتلی حل سئچیمینین گوجلندیریلمهسینین واجیبلیگینی دیله گتیریب.
امریکا رهبرلیگینین ایسراییل-ین اؤزونو حقوقون اوزرینده بیر دؤولت اولاراق گؤرمهسینی تشویق ائتدیگینی وورغولایان عباس "امریکا فیلیسطین خالقینا و اولوسلار آراسی مشروعیته قارشی دوشمنجه تطبیقلرینه گؤره آرتیق باریش پروسه سینده رول آلماغا حاقی یوخدور" دئیه بیلدیریب.