برهم صالح: تهران حکومتینین قراری ایله مومکون اولا بیلهجک
صالح، ترامپین آچیقلامالارینا دایر،" آمریکانین عراقداکی وارلیغی، ترورلا موباریزهده امکداشلیق مقصدیله حکومتین قراری و ایستگی اوزرینده اولموشدو، یئنه بئله اولاجاق." دئدی
عراق پرزیدنتی برهم صالح، آمریکانین پرزیدنتی دونالد ترامپین گوجلرینی عراقدا قالاجاغی ایستیقامتیندکی آچیقلاماسینا قارشیلیق بونون تهران حکومتینین قراری ایله مومکون اولا بیلهجگینی بیلدیریب.
صالح، پایتخت بغداددا کئچیریلن بیر تدبیرده ائتدیگی آچیقلامادا، ترامپین آچیقلامالارینا دایر،
" آمریکانین عراقداکی وارلیغی، ترورلا موباریزهده امکداشلیق مقصدیله حکومتین قراری و ایستگی اوزرینده اولموشدو، یئنه بئله اولاجاق." دئدی.
ترامپین آمریکا عسگرلرینین "ایرانی ایزلمک" مقصدیله عراقدا قالماسی اوچون رسمی ایستکده اولمادیغینی دئین صالح، آمریکا ایله عراق آراسینداکی یگانه سئچجگین، بعضی مسئلهلرده آیریلماق دئییل، ایش بیرلیگی اولدوغونو ایفاده ائتدی.
آمریکا پرزیدنتی ترامپ، دونن آمریکانین سی.بی.اس تلویزیوندا وئردیگی بیاناتلار، اؤلکهسینین عراقداکی عین السد پایگاهینا چوخ پول خرجلدیگینی و بو پایگاهلاری اورادا توتاجاقلارینی بیلدیرهرک،
"عراقداکی بازاسی توتماق ایستمگیمین سببلریندن بیری ایرانی بیر قدر ایزلمک ایستییرم چونکی ایران حقیقی بیر پروبلئم." دئمیشدی.
عراقدا شیعه لیدر مقتدا الصدرا باغلی سائرین کوالیسیون عضوو و پارلامنت صدرینین بیرینجی معاوینی حسن الکعبی ده وئردیگی آچیقلامادا، " آمریکا گوجلرینین عراقدان چیخاریلماسی اوچون مجلیسدن قانون چیخاراجاغیق." ایفادهلرینی ایشلتمیشدی.