۶ میندن چوخ اوشاق اؤلدو و یا یارالاندی
اوشاقلاری هدف آلان سالدیریلارین دوردورولماسی لازیم اولدوغو وورغولاندی
یمن‌ده تخمیناً ۴ ایلده ۶ مین ۷۰۰دن چوخ اوشاق اؤلدو و یا یارالاندی.
بیرلشمیش میلتلر اوشاقلارا یاردیم فوندونون (یونیسف)، یمن افیسینین تویتر حسابیندان وئریلن آچیقلامادا، ایچ ساواشین باشلادیغی ۲۰۱۵دن بو یانا ۶ مین ۷۰۰دن چوخ اوشاغین اؤلدوگو و یا یارالاندیغی بیلدیریلدی.
یمن‌لی ۳۵۸ مین اوشاغین حاد یئترسیز بسلنمه‌دن اذیت چکدیگی و بو اوشاقلارین عاجل معالیجه‌یه احتیاج دویدوقلاری قید اولوندو.
آچیقلامادا، اوشاقلاری هدف آلان سالدیریلارین دوردورولماسی لازیم اولدوغو وورغولاندی.
سعودی عربیستان رهبرلیگی آلتین‌داکی کوالیسیون گوج‌لرینین دستکلدیگی حکومت گوجلری حوثیلر آراسین‌دا چاتیشما‌لارین اولدوغو اؤلکه‌ده دونیانین ان پیس اینسانی بحرانی یاشانیر.
بیرلشمیش میللتلره گؤره، یمن‌ده اهالینین یاری‌سینی تشکیل ائد‌ن ۱۴ میلیون اینسان قیت‌لیق ریسکی ایله قارشی قارشییادیر. اؤلکه‌ده ۲۲ میلیون‌دان چوخ اینسان یاردیم و قورومایا احتیاج دویور.
