فرانسا خاریجی ایشلر ناظیری باغداد-دا سفرده دیر
عراق باش ناظیری عادل المهدی باغداد و پاریس-ین قارداش شهرلر اولماسینی تکلیف ائتدی.
عراق باش ناظیری عادل المهدی باغداد و پاریس-ین قارداش شهرلر اولماسینی تکلیف ائتدی.
عراق باش ناظیرلیک اوفیسیندن وئریلن معلوماتا گؤره، باش ناظیر عادل عبد المهدی باغدادا رسمی سفر ائدن فرانسا خاریجی ایشلر ناظیری ژان ایو لودریان باشچیلیق ائتدیگی نماینده هئیتینی قبول ائدیب.
معلوماتدا مطبوعاتا قاپالی کئچیریلن گؤروشده طرفلرین ایکی اؤلکه آراسینداکی موناسیبتلری موذاکیره ائتدیکلری قئید ائدیلیر.
عراق باش ناظیری گؤروشده فرانسانی دوست اؤلکه کیمی سجیلندیریب، بو اؤلکه ایله ایکی طرفلی موناسیبتلره اهمیت وئردیکلرینی، ایکی اؤلکه آراسیندا ایقتیصادیات، مدنیت و تحصیل ساحهسینده علاقهلرین داها دا گئنیش لندیریله جگینه ایناندیقلارینی بیلدیریب.
تروریزمله موباریزه و بؤلگهنین ثابتلیگی اوچون عراق و فرانسا آراسینداکی کووردیناسیانین داها دا گوجلندیریله جگینی دئین عبدالمهدی فرانسا ایله بو مسئلهده طرفداشلیغین اینکیشاف ائتدیریلمهسینه طرفدار اولدوقلارینی ایفاده ائدیب.
ترور تشکیلاتی داعش-ین عراق-دا یارانان بیر تشکیلات اولمادیغینی قئید ائدن باش ناظیر: "داعش رادیکال دوشونجهنین محصولودور" دئییب.
عبدالمهدی عراق-ین دئوریلمیش لیدری صدام حسین دؤوروندن قالان اؤلکه بورجلارینین پاریس رهبرلیگی طرفیندن سیلینمهسینی ده خاطیرلاداراق، بوندان راضی قالدیقلارینی دیله گتیریب، فرانسیز ناظرینه پاریس و باغدادین قارداش شهرلر اولماسینی تکلیف ائدیب.
فرانسا خاریجی ایشلر ناظیری ژان ایو لودریان عراق-دا یئنی قورولان حکومته دستک وئردیکلرینی، ایکی طرفلی
علاقهلری محکملندیرمک ایستکلرینی باغداد رهبرلیگینه گؤسترمک اوچون بورایا سفر ائتدیکلرینی و عراق-ین یئنیدن قورولماسینا دستکلرینین داوام ائدجگینی بیلدیریب.
ژان ایو لودریان فرانسا پرزیدنتی امانوئل ماکرونون دا عراقا سفر ائدجگی بارهده معلومات وئریب، لاکین سفرین تاریخی حاقندا بیر شئی سؤیلمهییب.
ایلگیلیلی خبرلر
نتانیاهو: حماس تسلیم اولسا ساواش بیتر
"حماس سلاح بوراخاراق تسلیم اولوب و ده اسیرلری تحویل وئرسه، ساواش یارین بیتهبیلر"