ایرانا قارشی توپلانتی گئچریله‌جک
ظریف، آمریکا بیرلشمیش دؤولتلری خاریجی ایشلر باخانی مایک پومپئونون اعلان ائتدیگی توپلانتییا سرت تپکی گؤستردی
ایران خاریجی ایشلر باخانی محمد جواد ظریف، ورشودا ائدیله‌جک ایران قارشیدی توپلانتییا تپکی گؤستره‌رک،
"لهستان، آلنینا سوروله‌ن بو اوتانج لکه‌سینی تمیزله‌یه‌بیلمز" دئدی.
ظریف، سوسیال مئدیا حسابین‌دان وئردیگی آچیقلامادا، آمریکا بیرلشمیش دؤولتلری خاریجی ایشلر باخانی مایک پومپئونون اعلان ائتدیگی توپلانتییا سرت تپکی گؤستردی.
ایرانین ۲.جی دونیا ساواشین‌دا لهستانلیلاری قورتاردیغینی آنجاق بو اؤلکه‌نین ایندی "ایران قارشیدی اومودسوز بیر سیرکه ائو صاحب‌لیگی ائتدیگینی" ساوونان ظریف، "لهستان، آلنینا سوروله‌ن بو اوتانج لکه‌سینی تمیزله‌یه‌بیلمز" دگرله‌ندیرمه‌سینی وئردی.
ذیروه توپلانتیسینین ائو صاحبی و ایشتیراک‌چیلارینا مراجعت ائد‌ن ظریف، آمریکانین ایران علیه‌ینه "سون گؤستریسینه" ایشتیراک ائد‌ن طرفلرین "یا اؤلدویونو، یا اوتانجلا آنیلدیغینی و یا آتیلدیغینی" ایر‌لی سوره‌رک، ایرانین هر زامانکین‌دان داها گوج‌لو اولدوغونو وورغولادی.
آمریکا دیش ایشلری باخانی پومپئو، اورتا دوغو سفری چرچیوه‌سین‌ده گئتدیگی مصرین باشکندی قاهیره‌ده وئردیگی آچیقلامادا، لهستاندا ۱۳-۱۴ فوریه‌ده اورتا دوغو قونولو، اؤزللیکله ده ایرانین بؤلگه‌ده‌کی ایستیقرارسیزلاشدیریجی فعالیتینین مذاکیره اولوناجاغی، دونیانین دؤرد بیر یانین‌دان اؤلکه‌لرین قاتیلاجاغی توپلانتی گئچیره‌جکلرینی بیلدیردی،
"اونلارجا اؤلکه، اورتا دوغودا ثابت‌لیک، باریش، اؤزگورلوک و تهلوکه‌سیزلیک مسئله‌سین‌ده، خصوصاً ده ایرانین بؤلگه‌ده ایستیقرارسیزلاشدیریجی نفوذونون قارشی‌سینی آلماق مقصدیله بیر آرایا گله‌جک" دئمیشدی.
