پوتین، ۴ ساعاتا یاخین سواللارا جاواب وئردی
روس لیدئر، مطبوعات توپلانتیلاریندا توپلام ۴۵ ساعات بویونجا ۸۵۹ سوالی جاوابلاندیردی
روسیا پرزیدئتی ولادیمیر پوتین، گلهنک حالینا گتیردیگی ایللیک مطبوعات توپلانتیسیندا ۲۰۱۸ی دگرلندیردی.
پوتینین ۲۰۰۱دن بو یانا دوزنلی اولاراق گئچیردیگی ایللیک مطبوعات توپلانتیسیندا بو ایل رکورد ساییدا ژورنالیست ایشتیراک ائتدی.
توپلانتینین ایلک کئچیریلدیگی ۲۰۰۱ده ۵۰۰ ژورنالیستین ایشتیراک ائتدیگی توپلانتییا، گئچهن ایل ۶۴۰، بو ایل ایسه مین ۷۰۲ ژورنالیست قاتیلدی.
پوتین، تخمیناً ۳ ساعات ۴۰ دقیقه ایچریسینده توپلام ۶۶ سوالا جاواب وئررکهن، ان اوزون مطبوعات توپلانتیسی توپلام ۴ ساعات ۴۰ دقیقه بویونجا سواللاری جاوابلاندیردیغی ۲۰۰۸ده اولموشدو.
بئلهلیکله، روس لیدئر، ۲۰۰۱ – ۲۰۱۸.جی ایللرده گئچیریلهن مطبوعات توپلانتیلاریندا توپلام ۴۵ ساعات بویونجا ۸۵۹ سوالی جاوابلاندیردی.
بو سیرادا توپلانتینی یؤنتن کرملین سؤزچوسو دیمیتری پئسکوو، توپلانتینین "تامامییله اؤنجهدن حاضیرلانان" بیر تدبیر اولمادیغینی مدافعه ائتسه ده کرملین مطبوعات مرکزی، پوتینه سوال وئرمه یی پلانلاشدیران ژورنالیستلرین سواللارینی توپلانتی اؤنجهسینده گؤرمهیی طلب ائتدی.
چوخ ساییدا خارجی ژورنالیستین ایشتیراک ائتدیگی توپلانتیدا اؤنجهلیک آغیرلیقلا یئرلی ژورنالیستلره وئریلدی.
روسیادا ایل بویونجا ان چوخ سس گتیرهن تدبیرلردن بیری کیمی گؤستریلهن توپلانتی، روسیا ۱، روسیا ۲۴، کانال ۱ و انتیوی کیمی آنا آخیم کاناللارین هامیسیندا جانلی یایینلاندی.
باشکند موسکوادا یئرلشهن اولوسلارآراسی کنگره مرکزینده گئچیریلهن توپلانتی یئرلی ساعات ایله ۱۲.۰۰ده باشلارکهن، توپلانتییا قاتیلاجاق ژورنالیستلر سون درجه قاتی تهلوکهسیزلیک تدبیرلری ایچریسینده ساعات ۰۸.۰۰دن اعتباراً سالونو دولدورماغا باشلادی.
بو ایل آ۳ فورماتیندان داها بؤیوک پوسترلر گتیریلمهمهسی اوچون رسمی طلب ائدیلمهسینه باخمایاراق بیر گلهنک اولاراق، ایشتیراکچیلار پوتینین دقتینی چکمک اوچون پلاکاتلار حتی اویونجاقلار قالدیردی.
پوتین، اقتصاددا باش وئرهن پروبلئملرین ایشیغیندا سون ایکی مطبوعات توپلانتیسیندا اولدوغو کیمی ایچ مسئلهلره داها چوخ دقت یئتیررکهن، تدبیرین میقیاسی و مدتی نظره آلیندیقدا روسیایا تأثیر ائدن چوخ ساییدا اولوسلارآراسی قونونو اله آلدی.
روسیا دؤولت باشقانینا وئریلهن سواللارین چئشیدی ایسه سون درجه یوکسکدی. سوریه بحرانیندان، دیجیتال اقتصادا، نفت بازارلاریندان، چچنیستانداکی جودو سالونونا اونلارجا سوال پوتین طرفیندن جاوابلاندیریلدی.
ایلگیلیلی خبرلر
افغانیستاندا هلیکوپتر دوشدو
غور ویلایتینین فیروز کوه شهرینده عسگری هلیکوپتر، هریرود چایینین ساحلینه دوشدو