ایران آلبانییه تپکی گؤستردی
"آلبانی؛ آمریکا، ایسراییل و بعضی ترور قروپلارینین سناریوسونا قوربان گئتدی"
ایران خاریجی ایشلر باخانلیغی سؤزچوسو بهرام قاسمی، ایرانلی ایکی دیپلوماتین آلبانیده ایستهنیلمهین شخص اعلان ائدیلمهسینده آمریکا بیرلشمیش دؤولتلری و ایسرایلیین باسقیلارینین تأثیرلی اولدوغونو دئدی.
ایران رسمی آژانسی ایرنایا دانیشان خاریجی ایشلر باخانلیغی سؤزچوسو قاسمی،
"بو گیریشیمین ایرانین آوروپا ایله یاخشی ایلیشکیلرینه ضرر وئرمک اوچون اورتایا قویولدوغونو حساب ائدیریک. آلبانی؛ آمریکا، ایسراییل و بعضی ترور قروپلارینین سناریوسونا قوربان گئتدی" دئدی.
آلبانینین آلدیغی قراردا باشقا اؤلکهلرین تأثیری اولدوغونو بیلدیرهن قاسمی، قرارین ایلک اولاراق آمریکا خاریجی ایشلر باخانی مایک پومپئو و آمریکا میلی گوونلیک مشاویری جان بولتون طرفیندن ممنونیت ایله قارشیلاندیغینی خاطیرلاتدی.
قاسمی، مسئله ایله باغلی آلبانی مقاملاری ایله گؤروشهجکلرینی بیلدیردی،
"آلبانی مستقیللیگینی و گوونلیگینی قورویابیلمهلی و باشقا اؤلکهلرین ایران ایله ایلیشکیلرینه تأثیر ائتمهسینه یول وئرمهمهلی" ایفادهلرینی ایشلتدی.
آلبانی آوروپا و خاریجی ایشلر باخانلیغی سؤزچوسو ائدلیرا پرندی، دونن آنادولو آژانسینا،
"آلبانی، اؤلکهنین گوونلیگی اوچون تهدید یارادان ائیلملره قاریشدیقلاریندان شبههلهنیلن ایران ائلچیلیگیندن ایکی دیپلوماتینی ایستهنیلمهین شخص اعلان ائدیلمهسی یؤنونده قراری آلدی" دئمیشدی.
پرندی، بو ایکی دیپلوماتین آلبانیاداکی ائیلملرینین دیپلوماتیک مقاملارینا ترس اولدوغونو و سؤزوگئدن شخصلرین "نامطلوب عنصر" اعلان ائدیلمهلری قرارینین، متفیق اؤلکهلرله موذاکیره ائدیلهرک قبول آلیندیغینی بیلدیردی.