اسد رژیمی سوچی راضیلاشماسینی شرط لرینی پوزور
سوریه-ده بشار اسد رژیمی و ایرانین دستکلهدیگی خاریجی تروریست قروپلار آتشکسین قورونماسی اوچون قبول ائدیلن سوچی راضیلاشماسینا باخمایاراق "ادلیب گرگینلیگی آزالتما بؤلگهسی" سرحدلری داخیلیندکی بؤلگهلره سیزماغا جهد ائتدی.
سوریه-ده بشار اسد رژیمی و ایرانین دستکلهدیگی خاریجی تروریست قروپلار آتشکسین قورونماسی اوچون قبول ائدیلن سوچی راضیلاشماسینا باخمایاراق "ادلیب گرگینلیگی آزالتما بؤلگهسی" سرحدلری داخیلیندکی بؤلگهلره سیزماغا جهد ائتدی.
حربی موخالیفت منبعلریندن الده ائدیلن معلوماتا گؤره، رژیم قوهلرینین ادلیب-ین دوغوسونداکی حربی موخالیفلرین الکتیبه و المهجوره جبههسینه گئجه رادهلرینده ائتدیگی هوجوم جهدینین قارشیسی آلیندی.
آزاد سوریه اردوسو قروپلاریندان میللی لیبرال لاشدیرما جبههسینین سؤزچوسو ناجی مصطفی "رژیم قوهلری بعضی جبهه خط لرینده سیزماغا تشببوس ائتدی. سلاحلا توققوشوب بونون قارشیسینی آلدیق. رژیم قوهلری سون دؤورده پیلوتسوز اوچوش آپاراتلاری ایله هوجوم ائتمهیه باشلادی. حمانین قوزیی اراضیلرینده دونن گئجه مهمات یوکلو درونلارلار هوجوم تشکیل ائتدی. موخالیفلر ایکی درونو سالماغا نایل اولدو" دئییب.
ادلیب-دکی سیویل مودافعه ایدارهسینین مودیری مصطفی حاج یوسیف دا، اسد رژیمی قوهلرینین ادلیب-ین موختلیف نقطهلرینه توپچی هوجومو اولدوغونو بیلدیره ره ک دئییب کی، هوجوم زامانی موختلیف بؤلگهلر هدف گؤتورولدو.
ادلیب-ین دوغوسوندا ابو ظهور باتی سینداکی مزرعه لرده 5 سیویل یارالانیب.
ادلیب-ده رژیم قوهلرینین هوجوملاریندا سوچی راضیلاشماسینین ایمضالاندیغی 17 سپتامبردان بریدیر آزی 33 نفر اؤلوب، چوخ سایدا سیویل یارالانیب.
رژیم قوهلرینین هوجوملاری داوام ائدرکن عسگری موخالیفلر راضیلیق اساسیندا معین اولونان بولگه لردن 10 اکتبردا آغیر سلاحلارینی چیخارمیشدی.
ایلگیلیلی خبرلر
نتانیاهو: حماس تسلیم اولسا ساواش بیتر
"حماس سلاح بوراخاراق تسلیم اولوب و ده اسیرلری تحویل وئرسه، ساواش یارین بیتهبیلر"