حوثی لر حدیده-دن چکیلمه‌یه راضی اولدولار
سوئد-ده کئچیریلن یمن دانیشییق‌لارینا قاتیلان حوثی هئیتی طرف‌لرین حدیده-ده دن چکیلمه‌سینی قبول ائتدی.
سوئد-ده کئچیریلن یمن دانیشییق‌لارینا قاتیلان حوثی هئیتی طرف‌لرین حدیده-ده دن چکیلمه‌سینی قبول ائتدی.
حوثی هئیتی‌نین عضوو جمال امیر: "بیرلشمیش میللت‌لر تشکیلاتینین نظارتینده بوتون طرف‌لرین حدیده شهریندن چیخاریلماسینی، عاجیل و گئنیش میقیاس‌لی بیر آتشکس اعلان ائدیلمه‌سینی تصدیق ائتدیک" دئدی.
امیر حوثی هئیتی‌نین بمت-نین حدیده و دیگر لیمان‌لارینا نظارت ائتمه‌سینی ده قبول ائتدیگینی بیلدیردی.
جمال امیر شهرین ایداری وضعیتی‌نین 2014-جی ایلین سپتامبر آیینداکی وضعیته قاییتماسینا دایر موقاویله‌ده بیر شئی اولمادیغینی سؤیله‌دی.
تعز شهرینده کی محاصره نین قالدیریلماسی مسئله‌سی‌نین یقین کی، گله‌جک مصلحت لشمه لره قالدیغینی دیله گتیرن امیر: "بیزیم نماینده هئیتیمیزین موقاویله‌یه راضی‌لیق وئرمه‌سینه باخمایا‌راق، ریاض نماینده هئیتی (یمن حکومتی) بونو قبول ائتمه‌دی" دئدی.
امیر سؤزلرینه بئله داوام ائتدی: "گئنیش میقیاس‌لی آتشکس، کئچید منطقه‌لری‌نین آچیلماسی و ساکیت‌لیک آدیم‌لاری‌نین آتیلماسی مسئله‌سینده بیز راضیلاشدیق. لاکین دیگر طرف کئچید منطقه‌لری‌نین آچیلماسی و مینا‌لارین سؤکولمه‌سی مسئله‌سینده ایسرار ائدیر. گئنیش میقیاس‌لی آتشکس مسئله‌سینی قبول ائتمه‌دی. ایکی طرف آراسیندا هاوا لیمانی‌نین آچیلماسی و هاواجیلیک باش ایداره‌سی‌نین یئنی‌دن فعالیت گؤسترمه‌سی مسئله‌سینده پرینسیپیال اولا‌راق موقاویله باشا چاتدی. بونا گؤره، بوتون یمن هاوا لیمان‌لاری بمت-نین تکنیکی نظارتینه وئریله‌جک".
جمال امیر بمت-نین تقدیم ائتدیگی بوتون موقاویله‌لرین حکومت طرفیندن رد ائدیلدیگینی، اولوسلار آراسی توپلوم و بمت-نین یمن عذره خصوصی نماینده‌سی مارتین گریفیث یمن حکومتینه موقاویله‌نی تصدیق ائتمه‌سی اوچون تضییقه داوام ائتدیک‌لرینی سؤیله‌دی.
بمت سوئد-ده کی یمن‌لی طرف‌لره سیاسی چرچیوه، حدیده، تعز، مرکز بانکی و صعنا هاوا لیمانی اولماقلا، بئش اساس پروبلئمی حل ائتمک اوچون موقاویله لاییحه‌لری تقدیم ائتمیشدی.
دوننکی گؤروش‌لرده طرف‌لر 16 مین اسیره عایید سیاهی‌لاری قارشی‌لیق‌لی شکیلده تسلیم ائتدی‌لر.
قارشی‌لیق‌لی اسیر موبادیله‌سی عملیاتی‌نین اولوسلار آراسی قیزیل خاچ کومیته‌سی واسطه‌سیله ژانویه نین 20-ده حیاتا کئچیریلمه‌سی گؤزلنیلیر.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
