۲ ایسراییل‌لی اؤلدورولدو
سالدیرینی حیاتا گئچیره‌ن شخصین حادثه یئرین‌دن قاچدیغی ایفاده ائدیلدی
ایشغال آلتین‌داکی اردن چایینین باتی ساحلینده کیم‌لیگی هله‌لیک معینلشمه‌یه‌ن بیر نفر طرفین‌دن تشکیل اولونان سلاح‌لی سالدیری‌دا ۲ ایسراییل‌لی اؤلدو، ۲ ایسراییل‌لی ایسه آغیر یارالاندی.
ایسراییل مطبوعاتین‌دا یئر آلان خبره گؤره، اردن چایینین باتی ساحلینده‌کی یاسادیشی اوفرا یهودی یاشاییش یئری یاخینلیغین‌دا آراجیندان ائنن بیر سالدیرقان یول کنارین‌دا گؤزله‌یه‌نلرین اوزرینه آتیش ائتدی.
سالدیری‌دا ۲ ایسراییل‌لی‌نین اؤلدویو، ۲ ایسرایلینین ایسه آغیر یارالی اولاراق خسته خانایا قالدیریلدیغی قید ائدیلدی.
سالدیرینی حیاتا گئچیره‌ن شخصین حادثه یئرین‌دن قاچدیغی ایفاده ائدیلدی.
حادثه‌ده ۲ نفرین حیاتینی ایتیردیگی خبری هله‌لیک رسمی مقاملار طرفین‌دن دوغرولانمادی.
اردن چایینین باتی ساحلینده‌کی اوفرا یهودی یاشاییش منطقه‌سی یاخینلیغین‌دا ۹ دسامبر آخشامی دوراق‌دا گؤزله‌یه‌نلرین اوزرینه حرکت ائد‌ن بیر اتومبیل‌دن آتیش ائدیلمه‌سی نتیجه‌سین‌ده بیری آغیر ۶ ایسراییل‌لی یارالانمیشدی.
ایسراییل گوج‌لری، بازار گونو اوفرادا تشکیل اولونان سلاح‌لی سالدیری‌دان مسئول اولدوغو ادعا ائدیله‌ن فیلیسطین‌لی صالح عمر صالح البرگوسینی (۲۹) دونن گئجه رام الله شهری یاخینلیغین‌داکی سردا ناحیه‌سینده‌کی بیر ائوه تشکیل ائدیله‌ن باسقین‌دا اؤلدورموشدو.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
