فیلیسطین خالق قورتولوش جبهه‌سی بیرلیگه چاغیردی

فیلیسطین خالق قورتولوش جبهه‌سی یارانماسی‌نین 51-جی ایلدؤنومو موناسیبتیله بیانات یایدی.

بیاناتدا: " سیونیست دوشمن بوتون فیلیسطین خالقینی هدف آلیب، بو سبب‌دن هر کس اختلاف لارینی بیر کنارا قویما‌لی‌دیر" دئیه بیلدیریلدی.

بیاناتدا ایشغالچی قوه‌لرین بو اراضی‌لر اوزرینده یئنی "اولدو بیتدی" وضعیتی یاراتما جهدی‌نین موفقیت‌سیزلیگه اوغرادیلماسی‌نین و اردن چایی‌نین غرب ساحلی‌نین سیونیست تجاوزونه قارشی بیرلیک نوماییش ائتدیرمه‌سی‌نین اهمیتی قئید ائدیلدی.

اؤتن گون فیلیسطین خالق قورتولوش جبهه‌سی یارانماسی‌نین 51-جی ایلدؤنومو موناسیبتیله غزه-ده یوروش تشکیل ائتدی. یوروش شهرین باتی سینداکی "شاتی" قاچقین دوشرگه‌سینده سونا چاتدی.

یوروشه قوشولان‌لار جبهه‌نین بایراق‌لارینی داشییا‌راق، فیلیسطین مقاومتینه صداقت شعارلاری سسلندیردی‌لر.

قئید ائتمک لازیم‌دیر کی، عرب میللتچی‌لری طرفین‌دن 1967-جی ایلده قورولان، مارکسیست-لنینچی پلاتفورمایا مالیک فیلیسطین خالق قورتولوش جبهه‌سی فیلیسطین اراضی‌لری‌نین بؤلونمه‌سینه قارشی چیخیر.

عرب و یهودی خالق‌لاری‌نین بیرگه یاشایا بیله جگی فیلیسطین دؤولتی‌نین یارادیلماسی جبهه‌نین ان مهم هدف‌لرین‌دن بیری‌دیر.