موصول شهرینده ائدیلن هاوا سالدیریسندا 14 ترورچو اؤلدورولوب

ژنرال یحیی رسول، آمریکا رهبرلیگی آلتین‌داکی کوالیسیون گوجلرینه عایید ساواش اوچاقلاری‌نین، موصول غربینده یئر آلان آدشانا داغین‌داکی ترور تشکیلاتی داعش هدف‌لرینی ووردوغونو ایفاده ائتدی

موصول شهرینده ائدیلن هاوا سالدیریسندا 14 ترورچو اؤلدورولوب

عراقین موصول شهرینده ترور تشکیلاتی داعش هدف‌لرینه ائدیلن هاوا سالدیریسندا 14 ترورچو اؤلدورولوب.

عراق بیرگه عملیات‌لار قوموتان‌لیغی سؤزچوسو ژنرال یحیی رسول، آمریکا رهبرلیگی آلتین‌داکی کوالیسیون گوجلرینه عایید ساواش اوچاقلاری‌نین، موصول غربینده یئر آلان آدشانا داغین‌داکی ترور تشکیلاتی داعش هدف‌لرینی ووردوغونو ایفاده ائتدی.

رسول، هدف‌لرین تورکمن‌لرین اکثریتده یاشادیغی تعلفر شهرینه یاخین اولدوغونو قئید ائده‌رک، سالدیریدا 14 ترورچونون اؤلدورولدوگونو بیلدیریب.

سالدیریدان سونرا عراق امنیت گوج‌لری‌نین وورولان ترور بازا‌لارینا داخیل اولدوغونو دیله گتیرن رسول، 3 پایکاهین تامامیله یوخ ائدیلدیگینی بیلدیریب.

عراق‌لی نیظامی مسئوللاری، دسامبر 2017ده داعشین اؤلکه‌دکی نیظامی وارلیغی‌نین بؤیوک میقداردا سونا چاتدیغینی بیلدیرمه‌سینه باخمایا‌راق، تشکیلاتا عایید یاتان حوجره‌لر زامان زامان موصول، صلاح الدین، انبار و کرکوک'ده امنیت گوجلری و سیویل وطنداش‌لارا قارشی سالدیری‌لار حیاتا کئچیریر.



ایلگیلی‌لی خبرلر