ایران آمریکانی سوچلادی

ایران خاریجی ایشلر باخانی محمد جواد ظریف،

"ایران و یمنه قارشی تؤره‌دیلن اینسان‌لیق سوچوندان آمریکا  سوروملودور" دئدی.

جواد ظریف، آمریکالی قونومداشی مایک پومپئونون یمن و ایرانا دایر وئردیگی آچیقلامالارا تپکی وئره‌رک ایران و یمنه قارشی تؤره‌دیله‌ن اینسان‌لیق سوچوندان آمریکانین مسئول اولدوغونو بیلدیردی.

ظریف، سوسیال مئدیا حسابین‌دان وئردیگی آچیقلامادا، پومپئونون، "ایران‌لیلارین ارزاق و درمان اوچون لازیم مالی خیدمتلره اریشیمینی انگلله‌یه‌ن یاسادیشی آمریکا تحریملرینین مسئولیتینی" ایرانا بوکله‌دیگینی دیله گتیردی.

آمریکایا رغما ایران خالقینا قیدا، درمان و دیگر اساس لوازمی چاتدیراجاقلارینی دیله گتیره‌ن ظریف،

"ایران و یمنه قارشی تؤره‌دیله‌ن اینسان‌لیق سوچوندان آمریکا سوروملودور" ایفاده‌سینی ایشلتدی.

ظریف، یمن‌ده‌کی حادثه‌لرله ایلگیلی اولاراق ایسه پومپئویا خیطابا بو جمله‌لری یازدی:

"باخ نه دئیه‌جه‌یه‌م، باخان پومپئو. قارشی قارشییا قالدیقلاری قیتلیق‌دان سوروملو اولان یمن‌لیلرین اؤزودور. چونکو یمن‌لیلر اوخول سرویسلرینی بومبالاماق اوچون میلیارد دلارلار و بو ریسکی آزالتماق اوچون یئنه میلیونلار خرجله‌یه‌ن حامیلری اولدوغونوز قصابا (عربیستانا) مقاومت گؤسترمه‌دن اؤزلرینی محو ائتمه‌لرینه ایجازه وئرمه‌لی ایدیلر. اوتانمانیز یوخ‌ مو؟

آمریکا خاریجی ایشلر باخانی مایک پومپئو، عربیستانین یمنه میلیونلارجا دولار انسانی یاردیم ائتدیگینی آچیقلامیشدی.

آمریکانین ایران اؤزل نماینده‌سی برایان هوک ایسه تحریملرینین هدفینین ایران خالقی دئییل، رژیمی اولدوغونو و بو سببله درمان، ساغلیق و قیدا سئکتورونا تحریم تطبیق ائتمدیکلرینی سؤیلمیشدی.