توپلو مزارلار تاپیلدی
جسدلرین چیخاریلماماسی اوچون مزارلارین اطرافینا مینلر دؤشنمیش
سوریهنین رقه شهرینده، ترور هؤرگوتو داعش طرفیندن قتله یئتیریلهن قوربانلارا عاید توپلو مزارلار تاپیلدی.
رقه وطنداش مجلسی ائشباشقانی عبدالسلام هوسوریک، رقهده ۴۵۰سی اوشاق اولماقلا ۲ مین ۶۰۰ نفره عاید ۳ توپلو مزار تاپدیقلارینی بیلدیرهرک، بؤلگهنین بیر چوخ یئرینده چوخ ساییدا توپلو مزار اولدوغونو دئدی.
توپلو مزارلاردا تاپیلانلارین چوخونون مولکی اولدوغو اؤیرنیلرکهن، ایندییه قدر ۸ بؤلگهده توپلو مزار آچیلدی.
داعش، توپلو مزارلارداکی جسدلرین چیخاریلماماسی اوچون ده مزارلارین اطرافینی مینلرله دؤشمیش.
مینلر ائتکیسیزلشدیریلدیکدن سونرا توپلو مزارلار اورتایا چیخاریلیر.
گئچن آی رقهیه باغلی عین عیسی قصبهسینده داعشین ۲۰۱۴ده قتله یئتیردیگی سوریه عسگرلرینین گؤمولدویو بیر توپلو مزار تاپیلمیشدی.
توپلو مزاردان چیخاریلان جسدلر، دموکراتیک سوریه گوجلری طرفیندن سوریه اوردوسونا تسلیم ائدیلمیشدی.
رقهنین گونئی باتیسی، سوریه حکومتینه باغلی گوجلرین کنترلوندا.
گئری قالانی ایسه دموکراتیک سوریه گوجلرینین کنترلوندادیر.
دموکراتیک سوریه گوجلری، اکتبر ۲۰۱ده، رقهنی داعشین الیندن آلمیشدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.