عربیستان، ایرانین سوچلامالارینی رد ائتدی

عربیستان، ایرانین اهواز شهرین‌ده‌کی سلاح‌لی سالدیرییا دایر سوچلامالارینی رد ائتدی.

عربیستان رسمی خبر آژانسی سپانین، خاریجی ایشلر باخانلیغیندان بیر مقاما دایاندیردیغی خبرده، عربیستانین دیگر اؤلکه‌لرین ایچ ایشلرینه قاریشماما سیاستینین آچیق اولدوغو، اؤزونون ایچ ایشلرینه قاریشلماسینی دا تامامیله رد ائتدیگی و بونا قارشی‌لیق مداخیله ائد‌ه‌نین ایران رژیمینین اؤزو اولدوغو بیلدیریلدی.

تهران رژیمینین، بیر مدت اول عربیستانی، ایران اقتصادینین چؤکمه‌سینه سبب اولماق‌لا سوچلادیغی بیلدیریلن خبرده بو ایفاده‌لره یئر وئریلدی:

"ایران رژیمینه یئنی بیر یول تاپماسینی و خالقینین ریفاهی ایله ثابت‌لیگی اوچون چالیشان سوروملو بیر دؤولت کیمی داورانماسینی، یاخشی قونشولوق پرینسیپی ایله مناسبت گؤسترمه‌سینی، اولوسلارآراسی حقوق و نورمالارا حؤرمت ائتمه‌سینی و دیگر اؤلکه‌لرین ایشلرینه مداخیله ائتمه‌مه‌سینی تکلیف ائدیریک".

خوزیستان ایالتینه باغلی اهواز شهرین‌ده جمعه ارته‌سی گونو حربی رژه مراسیمینه قارشی سالدیریدا ۱۷سی عسگر ۲۵ نفر اؤلموش، ۶۹ نفر یارالانمیشدی.

ایران باش قرارگاه سؤزچوسو ژنرال ابوالفضل شکارچی وئردیگی آچیقلامادا، آمریکا، ایسراییل و عربیستانی اهوازداکی سلاح‌لی سالدیری‌دان مسئول توتاراق، بو ائیلملرین جاواب‌سیز قالمایاجاغینی دئمیشدی.