ولوو: ایران‌دا بانک سیستمی ایشله‌میر
ولوو شیرکتی ایران ایله آنلاشماسینا سون وئردی
سوئد کامیون شیرکتی ولوو، آمریکانین ایرانا تطبیق ائتدیگی تحریملر سببی ایله اؤد‌مه‌لرینی آلمادیقلاری اوچون بو اؤلکه‌ده‌کی کامیون مونتاژ تاسیسی‌نین فعالیتینی دوردوردوغونو آچیقلادی.
ولوو سؤزچوسو فردریک ایوارسون وئردیگی آچیقلامادا، ولوونون ایرانا گؤندردیگی کامیون پارچالاری قارشیلیغین‌دا اؤدمه ائدیلمه‌دیگینی، بو سبب‌دن بو اؤلکه‌ده چالیشماما قراری آلدیقلارینی دئدی.
بو گلیشمه، انرژی و بانک سئکتورلارینین عکسینه، آوروپالی شیرکتلرله آنلاشمالار ائده‌بیلن ایران اتوموتیو سئکتورو اوچون بیر ضربه اولدو.
ایوارسون تلفنلا وئردیگی آچیقلامادا،
بو تحریملر و آمریکانین گتیردیگی باشقا شئیلر اوزون‌دن. ایران‌دا بانک سیستمی ایشله‌میر. پولوموزو آلاممیریق. بونا گؤره ده هله‌لیک ایران‌دا چالیشمیریق" دئدی.
آمریکا تحریملرین‌دن اؤنجه ولوو، ایرانی کؤرفز بؤلگه‌سی و قوزئی آفریقایا دوغرو اساس صادرات مرکزی ائتمک ایستدیگینی آچیقلامیشدی.
آوروپا بیرلیگی اؤز شیرکتلرینی قوروماق اوچون بیر قانون چیخارتدی آنجاق تحریملر بانکلارین ایران شیرکتلری ایله ایش گؤرمه‌لرینی انگلله‌ییر. بونون سببی ده آمریکانین بو نؤوع ایشلملری ائدن بانکلاری اؤز مالیه سیستمین‌دن دیشلایابیلمه‌سی.
ولوو، ایرانین ایکینجی بؤیوک اتومویل شیرکتی سایپانین بنیه‌سین‌ده‌کی سایپا دیزل ایله امکداش‌لیق ائدیردی.
سایپا دیزل، سوئددن گؤندریلن مونتاژ پارچالاری ایله ولوونون آغیر یوک کامیونلارینین مونتاژینی ایران‌دا حیاتا گئچیریردی.
بیر سایپا دیزل یئتکیلی‌سی، تحریملر سببیله ولوو تراکس شیرکتی اورتاق‌لیق آنلاشماسینا سون وئردیگینی دوغرولا‌دی.
