فریدون سینیرلی اوغلو: "اونلارین اومیدلرینی بوشا چیخارا بیلمریک"

تورکیه-‌نین بمت-دکی دایمی نماینده‌سی فریدون سینیرلی اوغلو بمت تهلوکه‌سیزلیک شوراسیندا ادلیب‌دکی بوتون حربی عملیات‌لارا سون قویولماسینا و آتشکسه چاغیردی.

فریدون سینیرلی اوغلو: "اونلارین اومیدلرینی بوشا چیخارا بیلمریک"

تورکیه-‌نین بمت-دکی دایمی نماینده‌سی فریدون سینیرلی اوغلو بمت تهلوکه‌سیزلیک شوراسیندا ادلیب‌دکی بوتون حربی عملیات‌لارا سون قویولماسینا و آتشکسه چاغیردی.

تورکیه‌نین بیرلشمیش میللت‌لر تشکیلاتین‌داکی دایمی نماینده‌سی فریدون سینیرلی اوغلو بمت تهلوکه‌سیزلیک شوراسی‌نین  توپلانتی‌سیندا تورکیه پرزیدنتی رجب طیب اردوغان، روسیانین دؤولت باشچی‌سی ولادیمیر پوتین و ایران پرزیدنتی حسن روحانی‌نین تهراندا کئچیردیک‌لری اوچ طرف‌لی ذیروه گؤروشونون نتیجه‌لری حاقیندا عضو اؤلکه‌لری معلوماتلاندیردی.

سینیرلی اوغلو آستانا دانیشیق‌لاری‌نین سوریه-ده زوراکی‌لیغی آزالتماق و سیاسی پروسئسه تکان وئرمک اوچون آپاریلدیغینی خاطیرلاتدی، تهران گؤروشونده ده ادلیب مسئله‌سی‌نین اؤنه چیخدیغینی بیلدیردی.

تورکیه نماینده‌سی پرزیدنت اردوغانین تهراندا آتشکس چاغیریشینی دا دقته چات‌دیرا‌راق: "آتشکس چاغیریشیمیز بوتون حربی عملیات‌لاری احاته ائدیر و تورکیه بو ایستیقامتده فعالیتینی داوام ائتدیره‌جک. اولوسلا آراسی جمعیتی فعال سعی‌لریمیزی دستکلمه‌یه دعوت ائدیریک. ادلیبدیکی حربی عملیات‌لار شوبهه‌سیز کی، اینسانی فلاکته سبب اولار، قاچقین آخینی باشلایار، تورکیه و آوروپادا بؤیوک تهلوکه‌سیزلیک ریسک‌لری یارادار" دئدی.

سینیرلی اوغلو ادلیبده میلیون‌لارلا گوناه‌سیز اینسانین حیاتی‌نین تهلوکه‌یه آتیلماسینا ایمکان وئریلمه‌مه‌سی‌نین واجیب‌لیگینی وورغولایا‌راق بون‌لاری سؤیله‌دی: " بو، اولوسلار آراسی توپلومون اورتاق وظیفه‌سی‌دیر. بو گون ادلیبده بیزی هیجان ایله ایزله‌ین‌لر تروریست دئییل، 3،5 میلیون سیویل دیر و بونون 1 میلیونو اوشاق‌دیر. اونلارین اومیدلرینی بوشا چیخارا بیلمریک".



ایلگیلی‌لی خبرلر