قانلی سالدیریلاری داعش اوستلندی

افغانیستانین باشکندی کابل‌دا آرد آردا ائدیلن ۲ آیری انتحار سالدیریسین‌دا ۲۰  نفر اؤلدو.

ایچ ایشلری باخانلیغینین سؤزچو یاردیمچیسی نصرت رحیمی، انتحارچینین کابلون دشت برچی بؤلگه‌سین‌ده گولش یاریشلارینین ائدیلدیگی ایدمان سالونونا گیره‌رک اوستونده‌کی بومبانی پاتلاتدیغینی آچیقلادی.

ایکینجی سالدیرینین ایلک سالدیرینی خبرلشدیرمک اوچون حادثه یئرینه گئدن قازئته‌چیلرین آراسینا قاریشان بیر سالدیرقان طرفین‌دن تشکیل اولوندوغونو بیلدیر‌ن رحیمی، سالدیریلاردا ۲۰ نفرین اؤلدویونو، ۷۰ نفرین یارالاندیغینی بیلدیردی.

اؤلن و یارالانانلار آراسین‌دا قازئته‌چیلرین ده اولدوغونو دئیه‌ن رحیمی، یارالیلاردان بعضیلرینین وضعیتینین آغیر اولدوغونو، اؤلو ساییسینین آرتماسین‌دان قایغی دویولدوغونو سؤزلرینه علاوه ائتدی.

باشکندین باتیسین‌دا، شیعه آزینلیغین یاشادیغی بؤلگه‌ده ائدیلن بو سالدیریلاری داعش اوستلندی.