حیدر العبادی‌ حشدی شعبی نین باشینا کئچدی

عراق باش ناظیری حیدر العبادی‌نین، وظیفه‌دن آلدیغی فالح فیاض یئرینه حشدی شعبی نین باشینا کئچدیگی بیلدیریلدی.

باش ناظیرین مطبوعات اوفیسین‌دن ائدیلن یازی‌لی آچیقلامایا گؤره، باش ناظیر عبادی، حشدی شعبی نین پایتخت بغدادادکی ایقامتگاهینی زیارت ائدیب.

عبادت بورادا وئردیگی آچیقلامادا، حشدی شعبی نین گوجلرینه هر جور دستگی وئرمه‌یه داوام ائده‌جک‌لرینی بیلدیریب.

سفر زامانی عبادی‌نین، وظیفه‌دن آلدیغی حشدی شعبی نین هیات باشقانی فیاض یئرینه رهبرلیک میسیونونو اوزرینه گؤتوردوگو قئید ائدیلیب.

حیدر العبادی، فیاضی بیر نئچه گون اؤنجه وظیفه‌دن آلمیشدی.

عراقدا شیعه دینی  مرجع تقلید علی السیستانی‌نین ترور تشکیلاتی داعش ایله موجادله فتواسی اوزرینه قورولان شیعه میلیتان گوجو حشدی شعبی، داها سونرا قبول ائدیلن یاسایلا عراق امنیت و ساوونما مکانیزمینه داخیل ائدیلمیشدی.