جوادی آملی: خالقی باسقی ایله سوسدورمایین
"اگر بو خالق قیام ائدرسه هامیمیزی دنیزه تؤکر"
ایرانین اؤنده گلن دین آداملاریندان آیتالله جوادی آملی، اؤلکهسینده خالقی باسقی ایله سوسدورماغین آجی نتیجهلری اولابیلهجگی اویاریسی وئردی.
قوزئی تهران بؤلگهسی امنیت آمرلری ایله بیر آرایا گلدیگی توپلانتیدا دانیشان آملی،
"امنیت گوجلرینین وظیفهسی اؤلکهنی تهلوکهسیز حالا گتیرمکدیر. خالقی باسقی ایله سوسدورماغین آجی نتیجهلری اولور" دئدی.
آملی، امنیت گوجلرینین چابا گؤسترهرک خالقی ساکینلشدیرمه یولونا گئتمهسی و اؤنلهییجی تدبیرلر آلاراق توطئهلری بوشا چیخارماسی لازیم اولدوغونو وورغولادی.
آملی، آوریل آییندا، چالیشما باخانی علی ربیعی ایله بیر آرایا گلدیگی توپلانتیدا اؤلکهدهکی اقتصادی پروبلئملرین ممکن نتیجهلرینی دگرلندیرمیش،
"اگر بو خالق قیام ائدرسه هامیمیزی دنیزه تؤکر" دئیه دانیشمیشدی.
اؤلکهده دلارین سرعتله یوکسلیشه گئچمهسی ایله ایلگیلی اؤتن آی تهرانین ان موهوم تیجارت مرکزلریندن "بؤیوک بازار" اصنافی دا اقتصادی گدئیشی گرکچه دوکانلارینی قاپاتدی، بو وضعیت اؤلکهده یئنی اعتراضلارین باشلانماسینا سبب اولموشدو.
آزاد بازاردا دلار ۱۰ مین تومن سویهسینی گئچدی.