"ایران، اؤلکه‌نی داغیتدی"
سیستانی: گؤستریلر آزالسا دا باشقا واخت داها گئنیش و گوج‌لو شکیلده یئنی‌دن باشلار
عراقین باشکندی بغداددا اونلارلا اینسان، ایشسیزلیک و خیدمت محدودیتلرینه اعتراض ائد‌رک، حکومتی استعفایا چاغیردی.
بغدادداکی تحریر میدانین‌دا توپ‌لانان گؤستریچیلر، آرتان ایشسیزلیگه، دؤولت خیدمتی محدودیتلرینه و حاق پوزونتولارینا اعتراض ائتدی.
گؤستریچیلر حکومتی استعفایا چاغیراراق، "ایران، اؤلکه‌نی داغیتدی"، "ایران دیشاری؛ بغداد سربست قالاجاق" شکلین‌ده شعارلار وئردی.
تهلوکه‌سیزلیک قوه‌لرینین یاراتدیغی مانعی آشماق ایسته‌یه‌ن گؤستری‌چیلرله عسگرلر آراسین‌دا سورون یاشاندی.
بغدادلا یاناشی، اؤلکه‌نین جنوبون‌دا ده بنزر ائیلملر کئچیریلدی.
نجف مرکزلی ان بؤیوک شیعه دینی مرجع آیت‌‌الله علی سیستانی ده ائیلملردن اول یاییملادیغی مئساژین‌دا، گؤستری‌چیلرین طلبلرینین یئرینه یئتیریلمه‌سینی ایسته‌دی.
سیستانی مکتوبون‌دا،
"گؤستریلر آزالسا دا باشقا واخت داها گئنیش و گوج‌لو شکیلده یئنی‌دن باشلار" ایفاده‌لرینی ایشلتدی.
سیستانی، ۱۲ می‌ده کئچیریله‌ن سئچیملردن سونرا حکومتین قورولماماسینا دایر ده یئنی حکومتین عاجل اولاراق قورولماسی و گله‌جک باشلاخانین "گوج‌لو و موقتدیر" اولماسی لازیم اولدوغونو وورغولادی.
شیعه تقلید مرجعی سیستانینین بو مئساژی، باشباخان حیدر عبادینین ایکینجی دؤور باشباخانلیغینا قارشی اولدوغو و عبادیدن دستگی چکدیی شکلین‌ده یوروملاندی.
سیستانینین مئساژینین آردین‌دان باشباخانلیق مطبوعات اوفیسین‌دن یازی‌لی آچیقلاما یاییملاندی.
آچیقلامادا، گؤستری‌چیلرین طلبلرینه ایلک گون‌دن اعتباراً قولاق وئریلدیگی وورغولاندی،
"مرجعین (سیستانی) بوتون چاغیریشلاری گؤزوموزده قیمت‌لی‌دیر، ائله ده قالاجاق" ایفاده‌لری ایشله‌دیلدی.
شیعه میلیس گوجونه صاحب عصائب اهل الحق، نجبا و اولوسال حیکمت لیدئرلری، سیستانینین چاغیریشلارینی دستکلدیکلرینی و یئرینه یئتیریلمه‌سی لازیم اولدوغونو احتیوا ائد‌ن آچیقلامالار یاییملادی.
سئچبم غالیبی مقتدا الصدر ده سوسیال مئدیادان گؤستری‌چیلره دستک وئردی.
شیعه لیدئر، "گؤستریچیلری یاسدیرماغا سون وئرین" ایفاده‌لرینی ایشله‌تدی.
صدر، سیاست‌چیلره خطابا ده بونلاری قید ائتدی:
"ای لیدئر، ای سیاست‌چی، نه علی نه حسین و نه ده عمر سنه مرحمت ائدر. حاکمیتی اصلاح ائت".
