اوشاقلار اوچون ۵۹ میلیون دلارلیق یاردیم
کویت، اوشاقلار اوچون ائدیلن ایشلره ان چوخ دستک وئره‌ن اؤلکه‌لردن بیری
کویت، یمندهکی اوشاقلار اوچون ۵۹ میلیون دلارلیق یاردیم ائده‌جک.
بیرلشمیش میلتلر اوشاقلارا یاردیم فوندون‌دان (یونیسف) وئریلن اچیقلامادا، کویتین یاردیمینین یمندهکی احتیاج صاحبی اوشاقلار اوچون ایستیفاده ائدیلجگی قید اولوندو.
آچیقلامادا، بو یاردیمین وبا کیمی خسته‌لیکلردن قورونما و اوشاقلارین تحصیل، سو، کانالیزاسیون، قوروما و بسلنمه کیمی خیدمتلره خرجلنه‌جگی قید ائدیلدی.
کویتین ۲۰۱۳.جو ایلده‌ن بو یانا یونیسفه ۲۰۰ میلیون دلاردان آرتیق یاردیم گؤستردیگی بیلدیریله‌ن آچیقلامادا، بئله‌لیکله، فوندون اورتادوغو و قوزئی آفریقاداکی اوشاقلار اوچون آپاردیغی ایشلره ان چوخ دستک وئره‌ن اؤلکه‌لردن بیری اولدوغونا دقت چکیلدی.
اوزون مدت‌دیر سیاسی استقرارسیزلیغین یاشاندیغی یمن‌ده مشروع حاکمیته چئوریلیش ائد‌ن حوثیلر، سپتامبر ۲۰۱۴دن بو یانا صنعا و بعضی بؤلگه‌لرین کنترلونو الین‌ده ساخلاییر.
عربیستان رهبرلیگی آلتین‌داکی کوالیسیون گوج‌لری ایسه مارس ۲۰۱۵دن اعتباراً یمن حکومتینه دستک وئریر.
