افغانیستان حکومتی طالبان ایله آتشکسی اوزاتدی

افغانیستان حکومتی طالبان ایله آتشکسی اوزاتدی

افغانیستان پرزیدنتی اشرف غنی، طالبان ایله اعلان ائدیلن آتشکس مدتی‌نین تک طرف‌لی اولا‌راق اوزادیلدیغینی آچیقلاییب.

غنی، افغانیستان میللی دولت تلویزیونوندا (RTA) وئردیگی آچیقلامادا، آتشکسین نه واختا قدر اوزادیلماسینا دایر هر هانسی بیر معلومات وئرمزکن، طالبان‌دان مثبت جواب گؤزلدیک‌لرینی و مقصدلری‌نینباریشین تامین اولونماسی اولدوغونو دئدی.

غنی، آتشکس قرارینا حؤرمت مقصدیله محبوس طالبانین 46میلیتانی‌نین سربست بوراخیلدیغینی قئید ائده‌رک، آتشکسله باغلی طالبان‌دان مثبت جواب آلما‌لاری وضعیتینده محبوس اولان دیگر تشکیلات نماینده‌لری‌نین ده سربست بوراخیلاجاغینی بیلدیریب.

آتشکس قراری‌نین هر ایکی طرفین ده باریش اوچون اورتاق فیکیرده اولدوغونو گؤستردیگینی دیله گتیرن صدر غنی، افغانیستان خالقی‌نین آرتیق باریش ایستدیگینی وورغولاییب.

طالبان‌دان ایسه صدر غنی‌نین آچیقلاماسینا هله کی، جواب گلمه‌دی.

افغانیستان پرزیدنتی اشرف غنی، 20 ژوئنه قدر طالبانا قارشی موقتی آتشکس اعلان ائدیلدیگینی بیلدیرمیشدی. غنی، آتشکسین 12 ژوئنده باشلاییب، 19 ژوئنده باشا چاتاجاغینی سؤیلمیشدی.

طالبان دا رمضان بایرامیندا 3 گونلوک آتشکس قراری آلدیق‌لارینی آچیقلامیشدی.

طالبان، 2001دکی آمریکا ایشغا‌لی‌ندان سونرا ایلک دفعه آتشکس اعلان ائدیب.