تکنوکراتلار حکومتی قورولور
"بوتون سیاسی قروپلارین یئر آلاجاغی، حزبچیلیک و مذهب‌چی‌لیک‌دن اوزاق تکنوکرات نامیزدلردن عبارت اولاجاق حکومت یارادیلماسی باره‌ده فیکرا آنلاشدیق"
عراق باش باخانی حیدر العبادی، ۱۲ می پارلمان سئچیملرینین غالیبی شیعه لیدئر مقتدا الصدر ایله تکنوکراتلاردان اولوشاجاق حکومت قورولماسی مسئله‌سین‌ده آنلاشدیقلارینی سؤیله‌دی.
عبادی، بغداددا دوزنله‌دیگی هفته‌لیک مطبوعات کنفرانسین‌دا،
"سید مقتدا صدر ایله گؤروشدوم. بوتون سیاسی قروپلارین یئر آلاجاغی، حزبچیلیک و مذهب‌چی‌لیک‌دن اوزاق تکنوکرات نامیزدلردن عبارت اولاجاق حکومت یارادیلماسی باره‌ده فیکرا آنلاشدیق" دئدی.
قاپیلارینین سئچیمی قازانان بوتون سیاسی قروپلارلا گؤروشمه‌یه آچیق اولدوغونو ایفاده ائدن عبادی، اسکی باشباخان نوری المالیکی‌نین دعوت ائتدیگی سیاسی اکثریت حکومتی فیکرینی تنقید ائد‌رک،
"بعضی قروپلاری اوزاقلاشدیراراق سیاست آپارابیلمریک. بو چوخ یانلیش بیر یول‌دور. بو آنلاییش اوزون‌دن ترور هؤرگوتو داعش اؤلکه‌میزه گیردی و اوچده بیرینی اله گئچیردی" دئیه دانیشدی.
عبادی، سیاسی قروپلاری بیر آن اؤنجه بیر آرایا گلیب مجلیس اوتورومونو باشلامایا چاغیردی،
"حوکومتین قورولماسی داها اؤنجه‌کی دؤورلرین عکسینه، قیسا زامان‌دا باش وئره‌جک دئیه دوشونوره‌م" دئدی.
سئچکیملره تقلب قاریشدیغی ادعالارینا توخونان باشباخان عبادی، عراق یوکسک سئچیم کمیسرلیگینی شیکایتلری شفاف‌لیقلا دگرلندیرمه‌سی اوچون وظیفه‌یه چاغیردی،
"کمیسرلیگین بللی بیر نامیزد و یا کوالیسونو دستکله‌مه حاقی یوخ‌دور. شائبه‌لردن دولایی سئچیملرین لغو ائدیلمه‌سی پروگرامیمیزدا اولمور" دئدی.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
