کازروندا ۲ نفرین اؤلدویو آچیقلاندی
گؤستریلر سیراسیندا ایکی نفرین اؤلدوگونو و ۴۸ نفرین یارالاندیغینی بیلدیرن یئتکیلی، یارالیلارین بیر چوخونون آیاقدا معالیجه ائدیلدیگینی دئدی
ایراندا فارس ایالتی یارغی ارکی باشقانی علی القاصیمهر، کازرون شهرینده اوچ گون قاباقکی اعتراضلاردا ۲ نفرین اؤلدویونو آچیقلادی.
القاصیمهر، مطبوعات کنفرانسیندا، کازروندا چرشنبه گئجهسی تشکیل اولونان اعتراضلارین ایجازهسیز اولدوغونو و محکمهنین سوروملولار حاقیندا سوروشدورما آچاجاغینی بیلدیردی.
گؤستریلر سیراسیندا ایکی نفرین اؤلدوگونو و ۴۸ نفرین یارالاندیغینی بیلدیرن یئتکیلی، یارالیلارین بیر چوخونون آیاقدا معالیجه ائدیلدیگینی دئدی.
کازروندا حکومتین شهری ایکییه آییرما پلانینا اعتراض ائتمک مقصدیله چرشنبه گئجهسی تشکیل اولونان میتینگلر خشونته چئوریلمیشدی.
گؤستریچیلردن بعضیلری شهردهکی پلیس قاراقولونا سالدیریب قاراقولو یاندیرمیشدی.
ایرانین فارس ایالتینده یئر آلان کازرون، سون هفتهلرده حکومتین شهری ایکییه آییرما پلانینا تپکی گؤسترن بؤلگه خالقینین دوزنلهدیگی گؤستریلره صحنه اولموشدو.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.