جمهوریت پارتیسی پاشینیانین نامیزدلیگینی دستکله‌یه‌جگینی آچیقلادی
ارمنیستان‌داکی اعتراضلاردان سونرا پارلامنتده اکثریتی الینده توتان ارمنیستان جمهوریت پارتی موخالیف نیکول پاشینیانین باش ناظیر وظیفه‌سینه نامیزدلیگینی دستکله‌یه‌جگینی آچیقلادی.
ارمنیستان‌داکی اعتراضلاردان سونرا پارلامنتده اکثریتی الینده توتان ارمنیستان جمهوریت پارتی موخالیف نیکول پاشینیانین باش ناظیر وظیفه‌سینه نامیزدلیگینی دستکله‌یه‌جگینی آچیقلادی.
بوندان سونرا پاشینیان باشلاتدیغی اعتصاب و اعتراض آکسیا‌لاری‌نین دایاندیریلماسی باره‌ده چاغیریش ائتدی و میتینقده چیخیش ائده‌رک باش ناظیر سئچکی‌لری‌نین گلن هفته کئچیریله‌جک ایکینجی مرحله‌سینده باش ناظیر وظیفه‌سینه رسمی نامیزد اولاجاغینی بیلدیردی.
پاشینیان حاکمیت‌دکی ارمنیستان جمهوریت پارتیسی‌نین اونون نامیزدلیگینی دستکلمه باره‌سینده قرار قبول ائتدیگینی سؤیله‌دی، لاکین بونونلا باغلی دئتال‌لی سندلر حاضیرلانماسی‌نین واجیب‌لیگینی قئید ائتدی.
اینسان‌لارین دینجلمه‌سی اوچون اعتراض آکسیا‌لاری‌نین دایاندیریلماسینا چاغیران پاشینیان باش ناظیر سئچکی‌لری‌نین کئچیریله‌جگی گون 250 مین دئییل، 500 مین اینسانین توپلاشماسینی گؤزله‌دیگینی ایفاده ائتدی.
دیگر طرف‌دن، ارمنیستان جمهوریت پارتیسی‌نین صدری واقرام باقداساریان ژورنالیست‌لره وئردیگی آچیقلامادا می‌ین 8-ده پارلامئنتده کئچیریله‌جک باش ناظیر سئچکی‌لری اوچون نامیزد گؤسترمه‌‌یه‌جگینی آچیقلادی.
باقداساریان میللت وکیل لرینین اوچدن بیری‌نین اونون تقدیم ائدجگی نامیزدی دستکله‌یه‌جک‌لرینی دیله گتیردی.
قئید ائدک کی، ارمنیستان پارلامنتی‌نین 105 میلللت وکیلی یندن 58-ی ارمنیستان جمهوریت پارتیسی‌نین عضوودور.
پارلامنتده باش ناظیر سئچیله بیلمه‌سی اوچون نامیزدین لئهینه ان آزی 53 سس وئریلمه‌لی‌دیر.
می‌ین 1-ده کئچیریلن باش ناظیر سئچکی‌لرینده ایر‌لی سورولن یئگانه نامیزد موخالیفتین لیدری پاشینیان لازیمی قدر سس توپلایا بیلمه‌میشدی.
بوندان سونرا پاشینیان بوتون اؤلکه‌یه اعتصاب و اعتراض چاغیریشی ائده‌رک، خصوصیله پایتاخت ایرواندا حیاتین دایانماسینا سبب اولموشدو.
