ایسرائیلده اینترنت سایتی‌لارینا سایبر سالدیری
ایسرائیل رادیوسونون خبرینه گؤره، هویتی معین اولونمایان هکرلر، بلدیه‌لر ایله دولت و اؤزل خسته‌خانا‌لارین اینترنت سایت‌لارینا سایبر سالدیری تشکیل ائتدی
ایسرائیلده اونلارلا اینترنت سایتی‌نین سایبر سالدیرییا معروض قالدیغی و همین صحیفه‌لرده فیلیسطین بایراغی ایله "بؤیوک قاییدیش یوروشونون" فوتولاری‌نین یئر آلدیغی قید اولونوب.
ایسرائیل رادیوسونون خبرینه گؤره، هویتی معین اولونمایان هکرلر، بلدیه‌لر ایله دولت و اؤزل خسته‌خانا‌لارین اینترنت سایت‌لارینا سایبر سالدیری تشکیل ائتدی.
بو سایت‌لاردا فیلیسطین بایراغی ایله غزّه-ایسرائیل سرحدین‌دکی اعتراض‌لارا عاید فوتوشکیل‌لر گؤستریلدی.
ایسرائیل‌دکی اینترنت سایت‌لاری چرشنبه گونو ده بنزر بیر سایبر سالدیریا معروض قالمیشدی.
فیلیسطین‌لی‌لر، تورپاق گونونون 42نجی ایلی چرچیوه‌سینده 30 مارس‌دان بو یانا بلوکا آلتین‌داکی غزّه‌‌نین ایسرائیل سرحدینده باریشجیل اعتراضلار کئچیریر.
ایسرائیل عسگرلری ایسه "سورگون ائدیلدیک‌لری تورپاق‌لارینا قاییتماغی و 2006دان بری غزّه‌یه تطبیق اولونان حقوق‌سوز بلوکانین گؤتورولمه‌سینی" طلب ائدن سیویل اها‌لی‌نین اوزرینه حقیقی گولله‌لرله آتش آچیر.
فیلیسطین‌لی‌لر "بؤیوک قاییدیش یوروشو" آدی آلتیندا باشلادیق‌لاری سیویل اعتراضرینا 6 هفته داوام ائتمگی پلانلاشدیریر.
اعتراض‌لارین 6 هفته داوام ائتمه‌سی‌نین بیر سببی ده بو تاریخده آمریکا‌نین تل آویو‌دکی سفیرلیگینی قودسه آپاراجاغینی آچیقلاماسی اولا‌راق گؤستریلیر.
تورپاق گونو ندیر؟
ایسرائیل، 30 مارس 1976دا اؤلکه‌نین شمالین‌داکی جلیله بؤلگه‌سینده یاشایان ایسرائیل وطنداشی فیلیسطین‌لی‌لره عایید مین‌لرله دؤنوش اراضییه ال قویدو. بونون اوزرینه فیلیسطین خالقی، بو قصبی اعتراض اوچون عمومی اعتراضا گئتدی و میتینگ‌لر کئچیردی.
ایسرائیل پولیسی گؤستری‌لره قاتیلان فیلیسطین‌لی‌لره آتش آچا‌راق 6 نفری شهید ائدیب، چوخ‌لو سایدا اینسانی یارالادی.
توپراق "گونو" کیمی آنیلان بو حادثه، ایسرائیل ایله فیلیسطین آراسین‌داکی موناقیشه‌نین قایناغی اولان تورپاق مسئله‌سینده فیلیسطین‌لی‌لرین گؤستردیگی مقاومتین رمزی کیمی گؤرونور.
