ایسرائیلده عسگرلیک مسئله سی حلّ اولدو

ایسرائیل باش ناظیری نتانیاهو ایله بیرلشمیش تورات پارتیسی لیدری یاکوو لیتزمان و شاس پارتیسی لیدری آریئه دری دونن گئجه بیر آرایا گلدیگی بیلدیریلدی

ایسرائیلده عسگرلیک مسئله سی حلّ اولدو

ایسرائیل کوالیسیون حکومتینده تخمینن ایکی هفته‌دیر داوام ائدن مجبوری سفربرلیک خیدمتینه دایر بحران باشباخان بینیامین نتانیاهو ایله بیرلشیک تورات Yahudot HaTora) و شاس (شرق‌لی تورات موحافیظه‌چی‌لری) لیدرلری آراسیندا کئچیریلن توپلانتی ایله حلّ ائدیلیب.

ایسرائیل باش ناظیری نتانیاهو ایله بیرلشمیش تورات پارتیسی لیدری یاکوو لیتزمان و شاس پارتیسی لیدری آریئه دری دونن گئجه بیر آرایا گلدیگی بیلدیریلدی.

ایجلاسدا، اولترا-اورتودوکس (حردی) یهودی‌لری تمثیل ائدن ایکی پارتی‌نین، 2019 بودجه‌سینی تصدیق ائتمک اوچون "حردیلری عسگرلیک‌دن آزاد توتان قانون لاییحه‌سی‌نین پارلامنت‌دن کئچمه‌سی شرط‌لری‌نین قبول ائدیلدیگی و سفربرلیک قانونو لاییحه‌سی‌نین، ناظیرلردن عبارت اولان یاساما کومیسیونو طرفین‌دن تصدیق اولوناجاغی و بو گون ایسرائیل پارلامنتی (کنست) باش مجلیسینده سس وئرمه‌یه چیخاراجاغی قرارا آلینیب.

ایسرائیل دولت رادیوسونا گؤره، حریدیلری عسگرلیک‌دن آزاد توتان قانون لاییحه‌سی‌نین کنستدکی یاساما کومیسیونو طرفین‌دن قبول ائدیلدیگی بیلدیریلیب.

رادیونون خبرینه گؤره، یاساما کومیسیون طرفین‌دن قبول ائدیلن لاییحه، چرشنبه گونو کنست باش مجلیسینده سس وئرمه‌یه چیخاراجاغی ایفاده ائدیلیب.

کنئست ایچ نیظامنامه‌سینه گؤره بیر قانون لاییحه‌سی‌نین قانونی اولماسی اوچون، باش قورولوندا کئچیریله‌جک اوچ آیری اوتورومدا سس وئرمه‌یه چیخارماغا تقدیم ائدیلمه‌سی و اکثریت طرفین‌دن قبول ائدیلمه‌سی لازیم‌دیر.

ایسرائیل باش ناظیری نتانیاهو ایله حریدیلری تمثیل ائدن ایکی پارتی لیدری آراسیندا باش توتان گؤروشمه‌ده حریدیلری عسگرلیک‌دن آزاد توتان لاییحه اوزرینده راضیلاشما تامین اولونماسینا ایلک اعتراض ساوونما ناظیری آویگدور لیبرمن‌ین ده پارتیسین‌دن گلدی.

ساوونما ناظیری لیبرمن لیدرلیگینده و کوالیسیون‌داکی ایسرائیل ائویمیز پارتیسی ایسه قانون لاییحه‌سی‌نین کنئست‌ده اوچ دفعه سس وئرمه‌یه چیخارا‌راق قانونی اولماسی وضعیتینده حکومت‌دن چکیله‌جگی سیگنا‌لی وئردی.



ایلگیلی‌لی خبرلر