ظریفین اوچاغینا یاناجاق وئریلمهدی
مونیخ هاوا لیمانینداکی فیرمالارلا ارتباطا گئچن ایران خاریجی ایشلر باخانلیغی، فیرمالاردان منفی جاواب آلدی
آلمانیادا ۱۶-۱۸ فوریه تاریخلری آراسیندا گئچیریلن مونیخ گوونلیک کنفرانسی زامانی بیر قالماقال سون آندا انگللندی.
باتی آلمان رادیولاری (WDR)، قوزئی آلمان رادیولاری (NDR) و زود دویچه زایتونگون خبرینه گؤره، مونیخ هاوا لیمانینداکی فیرمالار گوونلیک کنفرانسیندا ایشتیراک ائدن ایران خاریجی ایشلر باخانی جواد ظریفین اوچاغینا یاناجاق دولدورماق ایستهمهدی.
خبرلره گؤره، آلمانیا سفری اؤنجهسینده مونیخ هاوا لیمانینداکی فیرمالارلا ارتباطا گئچن ایران خاریجی ایشلر باخانلیغی، فیرمالاردان منفی جاواب آلدی.
فیرمالارین آمریکانین ایرانا قارشی تحریملرینی پوزماقدان چکیندیگی اوچون اوچاغا یاناجاق دولدورمایا یاناشمادیغی تخمین ائدیلیر.
تهراندان بیرباشا اوچوشلا دئییل، هیندیستان اوزریندن آلمانیایا گئدیب، بورادان دا روسیانین باشکندی موسکوایا داوام ائتمهیی پلانلاشدیران جواد ظریفین، یاناجاق دولدورما پروبلئمی اوزرینه آلمانیایا گئتمکدن وازگئچمهیی دوشوندویو بیلدیریلیر.
مونیخ گوونلیک کنفرانسینین باشقانی وولفگانگ ایشینگر مئدیا اورگانلارینا وئردیگی آچیقلامادا، ایران خاریجی ایشلر باخانی ظریفین توپلانتیدا ایشتیراکینین "بؤیوک چتینلیکلرله" ساغلانابیلدیگینی قید ائتدی.
ایشینگر سورونو حل ائتمک اوچون آلمان خاریجی ایشلر باخانلیغیندان و ساوونما باخانلیغیندان کؤمک ایستهدی.
چؤزوم اولاراق آلمان هاوا گوجلری دؤورهیه گیردی.
جواد ظریف، مونیخ گوونلیک کنفرانسیندا آلمان هاوا گوجلری ترکیبینده خیدمت ائدن عسگرلر اوچاغا ۱۷ مین لیتر یاناجاق دولدوردو.
آنجاق بو دا چوخ آسان اولمادی.
تکجه مولکی اوچوشلارا آچیق اولان مونیخ هاوا لیمانیندا آلمان هاوا قوهلرینین صلاحیتی اولمادیغی اوچون آلمان اوردوسونون ظریفین اوچاغی ایله ایلگیلهنهبیلمک اوچون "خاریجی یاناجاق دولدورما ایجازهسی" مراجعتی ائتمهسی لازیمدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.