لاوروو: اؤنملی بیر مرحله‌یه گیریلدی
"تورک و روس قونومداشلاریمیزلا، سیاسی چؤزومه چاتماسی اوچون چالیشماغا داوام ائتمه‌یه قرارلیییق"
روسیا خاریجی ایشلر باخانی سرگئی لاوروو، اولکه‌سی،تورکیه و ایرانین چابالاری ایله، سوریه میلی دیالوگ کنگره‌سی ایله باغلی حاضرلیقلاردا اؤنملی بیر مرحله‌یه گیریلدیگینی سؤیله‌دی.
سرگئی لاوروو، موسکووادا ایران‌لی قونومداشی جواد ظریف ایله گؤروشمه‌دن اؤنجه قازئته‌چیلره،۲۹-۳۰ ژانویه‌ده روسیانین سوچی شهرین‌ده گئچیریلمه‌سی پلانلاش‌دیریلان سوریه میلی دیالوگ کنگره‌سینه باغلی دگرلندیرمه‌لر وئردی.
روسیا، تورکیه و ایرانین گئچن ایل آستانا پروسه‌سیله باشلادیغی گیریشیملر سایهسینده ژنو دانیشیقلارینین دا اؤنم قازاندیغینی ساوونا‌ن لاوروو،
"بو اوچ اؤلکه‌نین گیریشیمی ایله سوریه میلی دیالوگ کنگره‌سی ایله باغلی حاضرلیقلاردا دا اؤنملی بیر مرحله‌یه گیریلدی. سؤزوگئدن مرحله‌یه روسیا، تورکیه و ایرانین چابالاری سایهسینده الده ائدیلدی" دئیه دانیشدی.
ظریف ده لاورووون دگرلندیرمه‌لرینه قاتیلدیغینا دیقت چکرک،
"تورک و روس قونومداشلاریمیزلا، میلی دیالوگ کنگره‌سینین سوریه‌ده سیاسی چؤزومه چاتماسی اوچون چالیشماغا داوام ائتمه‌یه قرارلیییق" دئدی.
