قدسا دستک گؤستریلرینده قان آخدی
غزه‌نین دوغوسون‌دا‌کی قدسا دستک گؤستریسینه قاتیلان چوخ سایی‌دا فلسطین‌لی گنج، ایسراییل ایله غزه‌نی آییران سرحده دوغرو یئریدی
ایسراییل عسگرلرینین قدس و غزه سرحدین‌ده دوزنلنن قدسا دستک گؤستریلرینه مداخیله‌سین‌ده بیری معلول ۳ فلسطین‌لی شهید اولدو، ۵ی آغیر ۸۲ نفر یارالاندی.
غزه‌ده‌کی ساغلیق باخانلیغی سؤزچوسو اشرف الکودرا،
"ایسراییل عسگرلرینین غزه‌نین سرحد بؤلگه‌لرین‌ده دوزنلنن گؤستریلره مداخیله‌سین‌ده یاسر سوکار (۲۳)، ابراهیم ابو ثریا (۲۹) آدلی ایکی فلسطین‌لی گنجین شهید اولدوغو، ۵ی آغیر ۸۲ نفرین یارالاندیغینی" بیلدیردی.
شهید ابو ثریا ایسراییلین ۲۰۰۸.جی ایلدکی هاوا سالدیریلارین‌دا ایکی آیاغینی ایتیره‌ن معلول بیر وطنداش اولدوغو قید ائدیلدی.
خان یونوس شهرینین شرقین‌ده ۲۵، غزه‌نین شرقین‌ده ۲۶، جبالینین شرقین‌ده ایسه ۲۳ فلسطینلینین گئرچک مرمی ایله یارالاندیغینی بیلدیره‌ن کودرا، البریج قاچقین دوشرگه‌سین‌ده ده ۸ فلسطینلینین یارالاندیغینی سؤیله‌دی.
ایسراییل پلیسی قدس‌دا جومعه نامازی سونراسی اعتراض گؤستریسی دوزنله‌ین جماعته بیبر گازی ایله فیزیکی مداخیله ائتدی.
غزه‌نین دوغوسون‌دا‌کی قدسا دستک گؤستریسینه قاتیلان چوخ سایی‌دا فلسطین‌لی گنج، ایسراییل ایله غزه‌نی آییران سرحده دوغرو یئریدی.
ایسراییل عسگرلری اونلارا داش آتان فلسطین‌لیلره پلاستیک و گرچک مرمینین یانی سیرا گؤز یاشاردیجی گازلا موداخیله ائتدی.
ایسراییل عسگرلرینین ایشغال آلتین‌داکی دوغو قدسون آیریم دووارینین دیگر طرفین‌ده قالان آناتا بؤلگه‌سینده گؤستریچیلره مداخیله‌سی نتیجه‌سین‌ده بیر فلسطین‌لی شهید اولدو.
فلسطین ساغلیق باخانلیغین‌دان وئریلن معلوماتا گؤره، ایسراییل عسگرلری، آناتا بؤلگه‌سینده گؤستریچیلره مداخیله‌سی زامانی حقیقی مرمی ایستیفاده ائتدی.
آچیقلامادا، سؤزوگئدن سالدیری‌دا دؤشون‌دن آغیر یارالانان مصطفی اسماعیل آدلی فلسطین‌لی گنجین قالدیریلدیغی خسته‌خانادا شهید اولدوغو بیلدیریلدی.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
