ایرانا قارشی یئنی تحریملر گلیر

آمریکا کنگره‌سی‌نین آلت قانادی نماینده‌لر مجلسینده گئچیریلن سس وئرمه‌ده، ایرانین اوزون منزیل‌لی بالیستیک موشک پروگرامینی هدف آلان بیر قانون لایحه‌سی 2یه قارشی 423 سس ایله قبول ائدیلدی.

جمهوریتچی‌لرین اکثریتده اولدوغو نماینده‌لر مجلسینده ایرانلا باغلی یئنی بیر یاسا تاساری‌سی گئچدی.

دونالد ترامپین 13 اکتبردا آچیقلادیغی یئنی ایران استراتژیسینه اویغون آددیم‌لار آتماغا باشلایان آمریکا کنگره‌سی ایرانین اوزون منزیل‌لی پروگرامینا قارشی چالیشما باشلاتدی.

قانون لایحه‌سی، ایرانلا نوکلئر آنلاشمایا ضد اولمایان تهرانین اوزون منزیل‌لی موشک چالیشمالارینی انگللمه‌یه قارشی یئنی تحریملر گتیریر.

ایرانین موشک پروگرامینا دستک اولان شخص و قوروم‌لارا تحریملر نظرده توتان لایحه‌یه، جمهوریتچی وکیل‌لر اد رویس و الیوت انگیل رهبرلیک ائتدی.

آمریکا سناسیندا دا قبول ائدیلمه‌سی گؤزلنیلن سؤزوگئدن تاساری ترامپین ایمضاسی‌نین آردین‌دان یاسا‌لاشاجاق.

آمریکا نماینده‌لر مجلسی دونن ده ایران دستک‌لی حزب الله تشکیلاتینا مالی و حربی دستک وئرن شخص‌لری و حکومت‌لری هدفه آلان یئنی تحریم پاکتینی اوی بیرلیگی ایله قبول ائتمیشدی.