"اورتادوغودا هر تهدیدین آرخاسیندا ایران وار"
هیلی، چیخیشینین هامیسینی ایرانا و نوکلئر آنلاشمایا آییراراق سرت تنقیدلر یؤنلتدی
آمریکانین بیرلشمیش میلتلر دایمی نمایندهسی هیلی، اورتادوغودا باریش و گوونلیگه قارشی هر تهدیدین ایران ایله باغلانتیلی اولدوغونو ایرهلی سوردو.
هیلی، بیرلشمیش میلتلر گوونلیک شوراسینداکی دانیشماسیندا ایرانی هدف آلاراق، اورتادوغودا باریش و گوونلیگه قارشی هر بیر تهدیدین آرخاسیندا ایران اولدوغونو ادعا ائتدی.
امنیت شوراسیندا اورتادوغو و فلسطین قونولو توپلانتیدا دانیشان هیلی، چیخیشینین هامیسینی ایرانا و نوکلئر آنلاشمایا آییراراق سرت تنقیدلر یؤنلتدی. هیلی، ایرانی تروریزمه و بؤلگهسل استقرارسیزلیغا سبب اولماقلا سوچلادی.
ایرانین "سالدیرقان، ایستیقرارسیزلاشدیریجی و یاسادیشی حرکتلرینین سورغولانماماسینین آخماقجا اولاجاغینی" دئین هیلی، سوریه، یمن و لبنانداکی سلاحلارین قایناغینین ایران اولدوغونو ایرهلی سوردو.
هیلی، "اورتادوغودا باریش و گوونلیگه قارشی هر تهدیدین ایران ایله باغلانتیلی" دئدی.
آمریکا، فرانسا، استرالیا و اوکراینانین یمنه راکت آتارلار، کالاشنیکوو سلاحلار و تانکسووار موشکلر داشییان گمیلرینی دوردوردوغونو بیلدیرن هیلی، ایرانین امنیت شوراسینین یمنده حوثیلره قارشی سلاح تحریمی قرارلارینی پوزدوغونو دیله گتیردی.
ایرانی موشک سیناقلاری ائتمکله تنقید ائدن هیلی، "قوزئی کورهنین موشک سیناقلاری یانلیش ایسه ندن عینی قوراللار ایران اوچون گئچرلی دئییل و گؤز یومولور" دئدی.
روسیانین بیرلشمیش ملتلر دایمی نمایندهسی واسیلی نبنزیا ایسه هیلینین، فلسطین پروبلئمینین دارتیشیلدیغی بمگک توپلانتیدا فلسطین پروبلئمه هئچ بیر شکیلده توخونماماسینا دقت چکدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.