کابیل‌دکی سالدیریدا 5 سیویل وطنداش یارالانیب
کابیل امنیت مودورلوغو سؤزچوسو بصیر موجاهید، موشک‌لردن بیری‌نین هاوا لیمانی یاخینلیغین‌داکی بیر ائوه ایصابت ائتمه‌سی نتیجه‌سینده یارا‌لانان وطنداش‌لاردان بیری‌نین ساغلیق وضعیتی‌نین آغیر اولدوغونو دئدی
افغانیستانین باشکندی کابیل‌ده، اولوسلار آراسی هاوا لیمانینا تشکیل اولونان موشک‌لی سالدیریدا 5 سیویل وطنداش یارالانیب.
کابیل امنیت مودورلوغو سؤزچوسو بصیر موجاهید، موشک‌لردن بیری‌نین هاوا لیمانی یاخینلیغین‌داکی بیر ائوه ایصابت ائتمه‌سی نتیجه‌سینده یارا‌لانان وطنداش‌لاردان بیری‌نین ساغلیق وضعیتی‌نین آغیر اولدوغونو دئدی.
هاوا لیمانینا دا بیر نئچه موشک‌ین ایصابت ائتدیغینی سؤیله‌ین موجاهید، موشک‌لرین آتیلدیغی تخمین ائدیلن یاخا توت بؤلگه‌سینده عملیات باشلانیلدیغینی قید ائتدی.
آدی‌نین آچیقلانماسینی ایستمه‌ین بیر هاوا لیمانی امکداشی دا سالدیرینین آردین‌دان بوتون اوچوش‌لارین دایاندیریلدیغینی ایفاده ائتدی.
سالدیرینی اوستلنن طالبانین سؤزچوسو ذبیح الله موجاهید ایسه هدف‌لری‌نین آمریکا ساوونما ناظیری جیمز متیس‌ین اوچاغی اولدوغونو ادعا ائدیب.
آمریکا ساوومنما ناظیری متیس ایله ناتو باش کاتیبی ینس استولتنبرگ، سالدیریدان بیر نئچه ساعت اوّل افغانیستانین باشکندی کابیله ائنمیشدی.
