کرکوک ویلایت مجلیسی، اوستاندار نجم الدین کریمین وظیفهده قالماسینی ایسته دی
اوستان مجلیسینده بو گون کئچیریلن اوتورومو،عراب و تورکمن عضولر بایکوت ائدیب
کرکوک ویلایت مجلیسی، عراق مجلیسی طرفیندن آلینان اوستاندار نجم الدین کریمین وظیفهدن چیخاریلماسی قرارینی رد ائتدی.
اوستان مجلیسینده بو گون کئچیریلن اوتورومو،عراب و تورکمن عضولر بایکوت ائدیب.
ایجلاسین آردیندان بیاناتلار وئرن اوستان مجلیسینین صدری ربی وار طالبانی، عراق مجلیسی طرفیندن وئریلن قرارین آنایاسایا ضد اولدوغونو مدافعه ائدهرک، "قراری قبول ائتمدیکلرینی" دئییب.
طلبانی، کریمین عراق مجلیسی دئییل، کرکوک ویلایت مجلیسی طرفیندن سئچیلدیگینی خاطیرلاداراق، وظیفهدن آلینماسینین یئنه ویلایت مجلیسینده اولدوغونو ایفاده ائتدی.
عراق مجلیسی، 14 سپتامبر جمعه گونو سس چوخلوغویلا اوستاندار کریمی وظیفهسیندن چیخارمیشدی.
کرکوک اوستانداری کریم، مارس آییندا، ویلایت مجلیسیندکی کورد عضولری توپلایاراق، شهرین رسمی قوروم و تشکیلاتلاریندا عراق کورد بؤلگهسل رهبرلیگی بایراغینی آستیرما قراری آلمیشدی.
کریمین باشقانیلیغی آلتینداکی بو تک طرفلی قرار بغداد مرکزی رهبرلیگینین اعتراضینی چکمیشدی.
اوستاندار، داها سونرا عراق کورد بؤلگهسل رهبرلیگینده 25 سپتامبردا کئچیریلمهسی پلانلاشدیریلان موستقیللیک رفراندومونا کرکوک و دیگر موباحیثهلی بؤلگهلرین ده داخیل ائدیلمهسی اوچون اوستان مجلیسیندن قرار چیخارمیشدی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.