ایرانی شکایت ائتدیلر

آمریکا، اینگیلتره، آلمانیا و فرانسا، گئچن هفته اوزایا اویدو گؤندردیگینی آچیقلایان ایرانی بیرلشمیش میلت‌لر تشکیلاتی‌نین امنیت شوراسینا شیکایت ائتدی.

ایران ایله نوکلئر مذاکیره‌لری گرچکلشدیرن 6 اؤلکه آراسیندا ایشتیراک ائدن دؤرد باتیلی اؤلکه‌نین بیرلشمیش میلت‌لره گؤندردیگی مکتوبدا، ایرانین سیمرغ موشکینی اوزایا گؤندرمه‌سی "تخریباتچی و تهدید ائدیجی" بیر آددیم اولا‌راق دگرلندیریلدی.

موشکین نؤوعونه باغلی کسین بیر قانییا یئر وئریلمه‌ین مکتوبدا، بونون بالیستیک موشک اولماسی حالیندا نوکلئر باش‌لیق داشییابیله‌جک توتوم و منزیله صاحب اولابیله‌جیی قید ائدیلدی.

بو حرکتین ایران ایله امنیت شوراسینین 5 دایمی عضوو و آلمانیا (پ5 + 1) آراسیندا 2015.جی ایلده الده اولونان و امنیت شوراسی طرفین‌دن تصدیق‌لنن آنلاشمایلا ضدیت تشکیل ائتدیگی بیلدیریلن مکتوبدا، سؤز قونوسو آنلاشمایا گؤره ایرانین نوکلئر باش‌لیق داشییابیله‌جک بالیستیک موشک گلیشدیریلمه‌سینه دایر هر هانسی بیر ائیلمده اولماسی‌نین قاداغان ائدیلدیگی خاطیرلادیلدی.

مکتوبدا، اولوسلارآراسی توپلومدان ایرانا حرکت‌لری‌نین آنلاشمانی پوزدوغو قونوسوندا آچیق مئساژ گؤندرمه‌سی ایسته‌نیلدی.

اینگیلتره‌نین بیرلشمیش ملتلرده‌کی دایمی نماینده‌سی متیو ریکرافت دا ژورنالیست‌لره، ایران ایله ائدیلن نوکلئر آنلاشمانی دستکلمه‌یی داوام ائتدیردیک‌لرینی ایفاده ائده‌رک، "آنلاشمانین بوتون طرف‌لرینی، سؤزلرینه صادق قالما و آنلاشمانین شرط‌لرینه اویغون داورانمایا چاغیریریق" دئدی.