خسارت لری معین ائتمک اوچون 4 کومیته قورولدو

قودس‌دکی ایسلامی وقف‌لر ایداره‌سی ایسرائیل عسگرلری‌نین مسجیدالاقصی یا قارشی هوجوم‌لاردا تؤره‌دیلن خسارت لرین معین ائدیلمه‌سی مقصدی ایله 4 متخصص کومیته قوردو.

ایسلامی وقف‌لر ایداره‌سی‌نین صدری شیخ آزام الخطیب وئردیگی یازی‌لی آچیقلامادا ایسرائیل عسگرلری‌نین مسجیدالاقصیداکی اوفیس و بینا‌لارا ائتدیگی هوجوم‌لاردا تؤره‌دیلن خسارت لرین معین ائدیلمه‌سی اوچون 4 کومیته قوردوق‌لارینی بیلدیردی.

خطیب وقف‌لر ایداره‌سی اولا‌راق کومیته‌لر وظیفه‌لرینی یئرینه یئتیره‌رک، مؤضوع ایله علاقه‌لی رسمی راپور لارینی  حاضیرلایانادک ایجتیمایتی معلوماتلاندیرماغا داوام ائده‌جک‌لرینی وورغولادی.  

مطبوعاتدا یئر توتان وقف‌لر ایداره‌سینه مخصوص سندلرین اوغورلاندیغی باره‌دکی خبرلرین دوغرو اولمادیغینی بیل‌دیرن خطیب فیلسطین‌لی‌لری سوسیال شبکه‌لر ایله یئرلی مطبوعاتدا یئر توتان و رسمی منبع‌سی اولمایان خبرلره اعتماد ائتمه‌مه‌یه چاغیردی.  

قئید ائدک کی، ایسرائیل عسگرلری ژوئیه آیی‌نین 14-ده هوجوم ائتمیش و 2 گون مودتینده مسجیدی باغلی ساخلامیشدی.