آمریکا، عراقدان چئکیلمه‌یه‌جک

آمریکا لیدئرلیگین‌دکی داعش قارشیدی کوالیسیون قوموتانی ژنرال استیون تاونسند، موصولون آلینماسین‌دان سونرا عراق‌داکی آمریکا عسگرلری‌نین سایی‌سینین دوشورولمه‌یه‌جگینی و داعشین بو اؤلکه‌ده یئنیلمه‌سیندن سونرا دا کوالیسیونون اؤلکه‌دکی وارلیغینی داوام ائتدیرجیینی آچیقلادی.

تاونسند، بغداددان ویدئو کونفرانس ایله واشینگتونا باغلانا‌راق، عراق و سوریه‌ده داعشا قارشی حیاتا گئچیریلن عملیات‌لاری دگرلندیردی.

آمریکالی قوموتان‌، موصولون تامامیله تمیزلنمه‌سین‌دن سونرا آمریکانین عراق‌داکی عسگر ساییسیندا بیر دوشوش اولوب اولمایاجاغینا دایر بیر سوالا؛

"سایینین آزالماسینی گؤزله‌میرم" جاوابینی وئره‌رک،

"موصول بؤیوک و طبیعی کی اؤنم‌لی بیر باشاری اما نینوا ائلینده تلعفر کیمی قالابا‌لیق بیر جمعیت مرکزی داخیل تمیزلنمه‌سی لازیم اولان یئرلر وار. باتی انبارین تمیزلنمه‌سی لازیم‌دیر. بو سبب‌دن بو ساواشین بیتیمینه داها چوخ وار. بونا گؤره یاخین زامان ایچری‌سینده عسگر ساییمیزدا اؤنم‌لی بیر دییشیک‌لیک گؤزله‌میرم چونکو کوالیسیون و عراق‌لی‌لار طرفین‌دن ائدیله‌جک داها چوخ چتین ایشلر وار" دئیه دانیشدی.

داعش سونراسی سوره‌ج‌ده ایسه هم آمریکانین، هم ده عراق حکومتی‌نین آمریکا و کوالیسیون گوج‌لری‌نین عراقدا قالماسین‌دان یانا اولدوق‌لارینی ایفاده ائدن تاونسند، بو قونودا قرار پروسه‌سی‌نین سونوندا اولدوق‌لارینی و داعش سونراسی سوره‌ج‌ده ده اؤلکه‌ده کوالیسیون گوج‌لری‌نین اولاجاغینی ایفاده ائتدی.

عراق کورد بؤلگه‌سل رهبرلیگی‌نین سپتامبر آییندا مستقیل‌لیک اوچون خالق اویلاماسینا گئتمه‌سی‌نین بؤلگه‌دکی سیاسی وضعیتی و حربی عملیات‌لاری ائتکیله‌ییب ائتکیله‌مه‌یه‌جگینه دایر سوال اوزرینه ده تاونسند، اؤلکه‌ده هله ده فرق‌لی قروپ‌لار آراسیندا سورتوشمه سؤز قونوسو اولدوغو و بؤلگه‌سل رهبرلیگین مستقیل‌لیک آددیمی‌نین مؤوجود پروبلئم‌لره بیر یئنی‌سینی علاوه ائدجیینی سؤیله‌دی.

تاونسند،

"بو قونودا حکومتیمیزین توتومو بونون (داعش قارشیدی) عملیات‌لار باخیمین‌دان یاخشی اولمایاجاغی شکلینده. طبیعی کی کوالیسیونون، دونیانین داعش ایله مباریزه‌سی باخیمین‌دان یاخشی بیر شئی دئییل. بو وضعیتین داعش قارشیدی عملیات‌لار اوزرینده تأثیرلری اولا‌جاق" دئیه دانیشدی.