ایران مجلسینده‌کی سالدیریدا اؤلو ساییسی آرتدی

تهراندا، مجلس بیناسی ایله خمینی حرمی قارشی‌سیندا ائش زامانلی سالدیری تشکیل ائدیلدی.

تسنیم خبر آژانسی، مجلسده‌کی سلاح‌لی سالدیریدا 7 نفرین اؤلدوگونو، 4 نفرین ده گیروو آلیندیغینی بیلدیردی.

ایران مطبوعاتیندا داها اؤنجه یئر آلان خبرلرده سالدیریدا بیر قورومانین حیاتینی ایتیردیگی و 7 نفرین یارالاندیغی ایفاده ائدیلمیشدی.

ایران مطبوعاتی، 4 سالدیرقانین، کالاشنیکوف‌لارلا مجلس بیناسینا گیرمه‌یه چالیشدیغینی، قوروما‌لارا و اطرافا آتیش ائتدیگینی ایفاده ائتدی.

سالدیرقانلارین یاخالاندیغی و بینادا بیر اوتاقدا توتولدوغو ایفاده ائدیلرکن، مجلسده گیروو‌لار اولدوغو دا ایره‌لی سورولور.

گوونلیک گوج‌لری‌نین گیروو‌لارین قورتاریلماسی اوچون چالیشدیغی بیلدیریلیر.

ایرانین اینگیلیزجه یایین تلویزیونو پرس تی‌وی ایسه، سالدیرقانلاردان بیری‌نین سیانور ایچه‌رک انتحار ائتدیگینی ادعا ائتدی.

ایکینجی سالدیری ایسه ایران انقیلابی‌نین لیدری خمینی‌نین حرمینه تشکیل ائدیلدی.

حرم‌ده بیر نفر اؤنجه اطرافا آتیش ائتدی، سونرا اؤزونو پاتلاتدی.

سالدیریدا 5 نفر ده یارالاندی.

مهر خبر آژانسی، خمینی‌نین حرمینده اؤزونو پاتلا‌دان انتحار بومباچی‌سی‌نین قادین اولدوغو معلوماتینی پایلاشدی.