خامنهای: استراتژیک بیر خطا
"آمریکالی اسکی یئتکیلیلر، داعشی یاراتدی یا دا داعشه کؤمک ائتدی؛ ایندیکیلر ده داعش و بنزر قروپلاری یئنیدن جانلاندیریر"
ایرانین دینی لیدئری آیتالله علی خامنهای، آمریکانین سوریهنین الشعیرات هاوا مرکزینه تشکیل ائتدیگی سالدیرینی "استراتژیک بیر خطا" اولاراق دگرلندیردی.
تهراندا یوکسک سویهلی حربی یئتکیلیلرله بیر آرایا گلن خامنهای، آمریکانین، سوریهدهکی چاتیشمالارین باشلادیغی مارس 2011.جی ایلدن بو یانا اوردو گوجلرینه قارشی ایلک سالدیریسینا تپکی وئردی.
"آمریکالیلارین ائتدیگی استراتژیک بیر یانلیش، اؤزوندن قاباقکیلارین یانلیشلارینی تکرارلاییرلار" دئین خامنهای، واشینگتونون بؤلگهدکی ترورو دستکلدیگینی ده ایفاده ائتدی.
خامنهای،
"آمریکالی اسکی یئتکیلیلر، داعشی یاراتدی یا دا داعشه کؤمک ائتدی؛ ایندیکیلر ده داعش و بنزر قروپلاری یئنیدن جانلاندیریر" دئدی.
سوریهنین حمص شهری یاخینلیغینداکی شعیرات هاوا حربی مرکزی، جمعه گونو، آمریکانین دوغو آغدنیزدکی ساواش گمیلریندن آتیلان 59 تاماهاک موشکی ایله وورولموش، سالدیریدا 6 نفر حیاتینی ایتیرمیشدی.