روحانی ایرانا دؤندو
حسن روحانی موسکوا سفری چرچیوه‌سینده روسیا دؤولت باشقانی ولادیمیر پوتین، باشباخان مئدودو ایله اؤنم‌لی ایکی‌لی، بؤلگه‌سل و اولوسلارآراسی قونولاردا فیکیر آلیش وئریشی ائتدی
ایران جمهورباشقانی حسن روحانی ایکی گونلوک روسیا رسمی سفری‌نین آردیندان بو سحر ایرانا دؤندو.
جمهورباشقانلیغینین بیلدیردیگینه گؤره، حسن روحانی موسکوا سفری چرچیوه‌سینده روسیا دؤولت باشقانی ولادیمیر پوتین، باشباخان مئدودو ایله اؤنم‌لی ایکی‌لی، بؤلگه‌سل و اولوسلارآراسی قونولاردا فیکیر آلیش وئریشی ائتدی.
روحانی، تهراندا، ایکی اؤلکه آراسیندا ایلیشکیلرین گلیشیریلمه‌سی اوچون چئشیدلی پتانسیللرین وارلیغینا ایشاره ایله، ایکی حکومتین بو ایلیشکیلری یایماق و مؤوجود پتانسیل‌لری قوللانماقاوچون لازیم اولان ایراده‌نین وار اولدوغونو ایفاده ائتدی.
روسیا ایله ایلیشکیلرین هم اولوسلارآراسی و هم بؤلگه‌سل گوونلیگی باخیمین‌دان ایران اوچون چوخ اؤنم‌لی اولدوغونو سؤیله‌ین روحانی، تروریزمین بؤلگه اوچون چوخ بؤیوک بیر تهلوکه اولدوغونو ایفاده ائتدی.
روحانی ایران و روسیانین سون ایکی ایلده اولوملو ایلیشکیلری و باغلانتی‌للری‌نین اولدوغونو، تروریزم ایله مباریزه، بؤلگه‌ده باریش و ثابیتلیگین تامین ائدیلمه‌سی و سوریه ایله ایراق بحران‌لارینی چؤزومله‌مه‌ده یاپیجی ایش‌بیرلیکلری‌نین اولدوغونو سؤیله‌دی.
روحانی آیریجا پوتین ایله گؤروشمه‌ده سوریه، ایراق، یمن، افغانیستان، بؤلگه‌سل و اورتا آسیا و قافقاز گوونلیگی‌نین ده اله آلیندیغینی بیلدیردی.
روحانی، گؤروشمه‌لری سونوندا یایینلانان اورتاق بیلدیریده ده ایکی اؤلکه ایکی‌لی ایلیشکیلری چرچیوه‌سینده 2016 – 2020.جی ایللر اوچون لازیم اولان یول خریطه‌سینی تعیین ائتدیکلرینی قید ائتدی.
روسیا دا ایرانین متفیقی اولدوغونو آچیقلادی.
روسیا دؤولت باشقانی سؤزچوسو دیمیتری پئسکوو، ایران پرزیدنتی حسن روحانینین کرملین سارایی گؤروشمه‌لری ایله ایلگیلی،
' ایران و روسیا 500 ایللیک کؤک‌لو ایلیشکی‌لره صاحبدیرلر، ایران، روسیا اوچون بیر متفیق‌دیر و ایران ایله گلیشمکده اولان اقتصادی، تیجاری، سیاسی و گوونلیک ایلیشکیلرینه صاحیبیک. ایکی اؤلکه ر بؤلگه‌سل و اؤنم‌لی اولوسلارآراسی مسئله‌لرده امکداش‌لیق ائدیرلر' دئدی.
