حسنی مبارک سربست بوراخیلدی
2012.جی ایلده عمورلوک حبس جزاسی آلان آنجاق ساغلیق وضعیتی سببیله اوزون مدتدیر حربی خستهخانادا توتولان مبارک سربست قالدی
مصرده گئچمیش دؤولت باشقانی حسنی مبارک، 6 ایل سونرا سربست بوراخیلدی.
مبارک، توتولدوغو حربی خستهخانادان ائوینه آپاریلدی.
2011.جی ایلدکی خالق قیامی سیراسیندا یاشانان اؤلوملردن اؤترو 2012.جی ایلده عمورلوک حبس جزاسی آلان آنجاق ساغلیق وضعیتی سببیله اوزون مدتدیر حربی خستهخانادا توتولان مبارک سربست قالدی.
مبارک (88)، آی باشیندا، "2011.جی ایلده گؤستریچیلرین اؤلدورولمهسینه ایشتیراک ائتدیگی" اتهامی ایله محاکیمه اولوندوغو دعویده، تمییز محکمهسینین قراری ایله تبرئه اولموشدو.
یورددیشینا چیخیش قاداغاسی گتیریلن مبارک، ساغلیق وضعیتی سببیله آپاریلدیغی المعادی حربی خستهخاناسیندا توتولوردو.
مصرده 25 ژانویه 2011 انقیلابی زامانی دؤورون پرزیدنتی مبارک، وظیفهسیندن استعفا وئرمیشدی.
بونون آردیندان چوخ ساییدا اوست سویه یئتکیلی گؤزآلتینا آلیناراق، چوخو حاقیندا "یولسوزلوق و قامو مالینا زرر" کیمی اتهاملارلا دا دعوی آچیلمیشدی.
مبارک ده، 2012.جی ایلده، عرب باهاری زامانی 239 نفرین اؤلوموندن مسئول توتولاراق عؤمور بویو حبس جزاسینا محکوم ائدیلمیشدی.