کوالیسیون گوج‌لری بیر اوخولو ووردو
منصور بؤلگه‌سینده، وطنداش‌لارین سیغیندیغی بیر اوخولا هاوا سالدیریسی تشکیل ائدیلدی
آمریکا لیدئرلیگین‌دکی کوالیسیون گوج‌لری‌نین سوریه‌نین قوزئیین‌ده‌کی بیر اوخولا دونن تشکیل ائتدیگی هاوا سالدیریسیندا، ایلک بیلگی‌لره گؤره 33 نفر حیاتینی ایتیردی.
مخالیف‌لره یاخینلیغییلا بیلینن لندن مرکزلی سوریه اینسان حاق‌لاری گؤزلم ائویندن وئریلن آچیقلامادا، منصور بؤلگه‌سینده، وطنداش‌لارین سیغیندیغی بیر اوخولا هاوا سالدیریسی تشکیل ائدیلدیگی ایفاده ائدیلدی.
آمریکا لیدئرلیگین‌دکی کوالیسیون گوج‌لری طرفین‌دن تشکیل ائدیلن سالدیرینین دونن ارکن ساعات‌لاردا حیاتا گئچیریلدیگینی بیلدیرن گؤزلم ائوینین قوروجوسو رامی عبدالرحمان، "ایندی 33 نفرین اؤلدوگونو دوغرولایابیلیریک. اؤلن‌لر رقه، حلب و حمص‌دان قاچان وطنداشلاردی" دئدی.
آمریکا مرکزی گوجلر قوموتانلیغی (سنتکوم)، 17 مارسدا دا، ادلب‌ده "القاعده‌یه عاید بیر توپلانما یئری‌نین وورولدوغونو و چوخ ساییدا تروریستین اؤلدورولدوگونو ادعا ائتمیش، داها سونرا، هدف آلینان بؤلگه‌نین حلبین جینا کندینده بیر مسجید اولدوغو، حیاتینی ایتیرن‌لر ایسه وطنداش‌لار اولدوغو اورتایا چیخمیشدی.
ایلگیلی‌لی خبرلر
نتانیاهو: حماس تسلیم اولسا ساواش بیتر
"حماس سلاح بوراخاراق تسلیم اولوب و ده اسیرلری تحویل وئرسه، ساواش یارین بیته‌بیلر"
