لیبرمن: ایسرائیل وطنداشی اولان عربلر وطنداشلیقدان چیخاریلمالی
لیبرمن، آمریکا پرزیدنتی دونالد ترامپین اؤزل نمایندهسی جیسون گرین بلاتین ایسرائیل و فیلیسطین سفری اوّلی ائتدیگی یازیلی آچیقلامادا، باریشین تک یولونون، "اهالی موبادیلهسی" اولدوغونو قارشییا قویدو
ایسرائیل ساوونما ناظیری آویگدور لیبرمن، فیلیسطین-ایسرائیل مسئلهسینین حلّی اوچون ایسرائیل وطنداشی اولان عربلرین وطنداشلیقدان چیخاریلاراق، غرب شرعییهیه گؤندریلمهسی تکلیفینی تکرارلادی.
لیبرمن، آمریکا پرزیدنتی دونالد ترامپین اؤزل نمایندهسی جیسون گرین بلاتین ایسرائیل و فیلیسطین سفری اوّلی ائتدیگی یازیلی آچیقلامادا، باریشین تک یولونون، "اهالی موبادیلهسی" اولدوغونو قارشییا قویدو.
ایسرائیلین غرب شرعییهدکی یهودی مسکونلاشما واحیدلری ایله شرق قودسدن ایمتیناع ائتمیهجگینی وورغولایان لیبرمن، "تورپاق قارشیلیغیندا باریش" پرینسیپینه سؤیکنن حلّ آختاریشلارینین باشاریسیز اولاجاغینی قید ائتدی.
لیبرمن، ایسرائیل اهالیسینین یوزده 22سینی فیلیسطینلیلر میدانا گتیررکن، تک یهودینین اولمادیغی بیر فیلیسطین دولتی قورولامایاجاغینی ادعا ائدهرک، شیخ رائد صلاح، ائیمن اوودا، باسیل گاتاس، هانین زوبینین ایسرائیل وطنداشی اولماسی اوچون بیر سبب اولمادیغینی ایفاده ائتدی.
ایسرائیل پارلامنتیندکی (کنست) اورتاق عرب لیستهسی بلوکو باشقانی ائیمن اوودا ایسه ائتدیگی یازیلی آچیقلامادا، لیبرمنین "اهالی موبادیلهسی" تکلیفینی قبول ائتمدیگینی تکرارلادی.
اوودا، "لیبرمنین ایسرائیلدکی عرب وطنداشلاردان قورتولما سیینین، اونلاری وطنداشلیقدان چیخارما موباریزهسی" اولدوغونو ایفاده ائتدی.
ایسرائیل ایله فیلیسطین آراسینداکی بازیش دانیشیقلاری، ایسرائیلین 1967 مرزلرینه دؤنمگی و یهودی مسکونلاشما واحیدلری تیکمهسینه سون وئرمگی قبول ائتممهسی سببیله آوریل 2014-جو ایلده دایانمیشدی.
شرق قودس و غرب شرعییه، 1967-جی ایلدن بری ایسرائیل طرفیندن ایشغال آلتیندا ساخلانیلیر. شرقی قودسده 200 مین، غرب شرعییهده ده 400 مینی آشان یهودی چؤکدوروجو وار. بین الخالق حقوقا گؤره، بو بؤلگهلردکی بوتون یهودی مسکونلاشما واحیدلری غیری-قانونی قبول ائدیلیر.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.