اردوغان پوتین ایله گؤروشه‌جک
"اؤنجه‌لیک ایرانین دا داخیل اولدوغو اورتاق گیریشیم واسطه‌سی ایله سوریه بحرانی‌نین حلینه، آتیشکسه و آستانادا حکومت ایله مخالیفت آراسیندا گلیشدیریلن سیاسی دیالوگا وئریله‌جک"
روسیا خاریجی ایشلر باخانی سرگئی لاوروو، 10 مارسدا موسکوادا بیر آرایا گله‌جک اولان روسیا دؤولت باشقانی ولادیمیر پوتین و پرزیدنت رجب طیب اردوغانین سوریه بحرانینی اله آلاجاغینی سؤیله‌دی.
ایکی‌لی و چوخ طرف‌لی کانال‌لار اوزرین‌دن سوریه‌ده‌کی امکداش‌لیغی گلیشدیرمه‌یه حاضر اولدوق‌لارینی ایفاده ائدن لاوروو، اؤنم‌لی اولانین بؤلگه‌دکی گئرچک‌لیک‌لرین گؤز اؤنونده توتولماسی اولدوغونو ایفاده ائتدی.
لاوروو، آذربایجانلی قونومداشی ائلمار محمدیاروو ایله موسکوادا گؤروشدوک‌دن سونرا آچیقلاماسیندا،
"تورکیه، هم آذربایجان، هم ده روسیانین یاخین اورتاغی. جمعه گونو روسیا و تورکیه آراسیندا لیدئرلر سویه‌سینده بیر ذیروه گرچکلشدیرله‌جک. قارشی‌لیق‌لی تعاملدا اولدوغوموز فرق‌لی ساحه‌لری اله آلاجاییق. تیجارت، اقتصاد، یاتیریملار، اورتاق آلت‌یاپی پروژه‌لری بونلارا داخیل" دئدی.
تورکیه و روسیانین خاریجی سیاست‌دکی امکداشلیغینین دا گؤروشمه‌ده گوندمه گله‌جیینی بیلدیرن لاوروو، اؤنجه‌لیگین ایرانین دا داخیل اولدوغو اورتاق گیریشیم واسطه‌سی ایله سوریه بحرانی‌نین حلینه، آتیشکسه و آستانادا حکومت ایله مخالیفت آراسیندا گلیشدیریلن سیاسی دیالوگا وئریله‌جگی‌نی وورغولادی.
