سوریه دانیشیقلارینین 4-جو تورو ژنوده داوام ائدیر
بیرلشمیش میللتر تشکیلاتینین سوریه عذره خصوصی نمایندهسی ایستفان دی میستورا موخالیفت و رئژیم هئیتلری ایله آیری-آیریلیقدا گؤروش کئچیردی.
سوئیس-ین ژنو شهرینده کئچیریلن سوریه دانیشیقلارینین 4-جو توروندا موخالیفلر باشدا آمریکا و روسیا اولماقلا اوسلار آراسی توپلاما سیاسی کئچید پروسئسینه سرعت قازاندیریلماسی اوچون داها چوخ دستک اولماغا چاغیردی.
بیرلشمیش میللتر تشکیلاتینین سوریه عذره خصوصی نمایندهسی ایستفان دی میستورا موخالیفت و رئژیم هئیتلری ایله آیری-آیریلیقدا گؤروش کئچیردی.
گؤروشلردن سونرا موخالیفت آدیندان مطبوعات کونفرانسی تشکیل ائدن نصر الحریری میستورا ایله سیاسی کئچید پروسئسینی موذاکیره ائتدیکلرینی بیلدیردی.
الحریری هدفلرینین گوونلی و استقرارلی بیر سوریه اولدوغونو، معاصر سوریه اوچون موذاکیرهلری داوام ائتدیرهجکلرینی وورغولادی.
نصر الحریری میستورا ایله یئنیدن گؤروش کئچیرهجکلرینی، موذاکیره پروسئسینین سادهجه بیرلشمیش میللتر تشکیلاتی ایله داوام ائتمهیهجگینی قئید ائدهرک اولوسلار آراسی توپلومون داها چوخ دستک گؤسترمهسینی ایستهدی.
نصر الحریری آمریکانین پروسئسده مثبت رول گؤتورمهسینی گؤزلهدیکلرینی، روسیانین دا همین موضوع دا همفیکیر اولاجاغینا اومید ائتدیگینی بیلدیردی.
الحریری ترور تشکیلاتی داعش-ین ایشغالینداکی پالمیرا تاریخی شهرینی گئری آلماسینا گؤره اسد رئژیمینی تبریک ائدیب ائتمهیهجگینه دایر سوال قارشیسیندا ایسه دئدی کی، بو آددیمی آتساق گلهجکده پالمیرانی یئنیدن اله کئچیردیگی تقدیرده داعش-ی تبریک ائتمک مجبوریتینده قالاریق. ایکیسی ده تروریست. اسدین پالمیرا اویونونو تعقیب ائتسک بو، توم و جرینی ایزلمک کیمی بیر شئی اولار.
میستورا ایله گؤروش کئچیرن رئژیم هئیتینین صدری بشار جعفری ایسه آچیقلاما وئرهرک بیلدیردی کی، حکومت و موخالیفت آراسیندا بیرباشا گؤروش اولا بیلهجگی احتیمالی موخالیفتین بیرلشمهسیندن سونرا مومکون اولا بیلر.
جعفری "میستورا ایله گؤروشده سیاسی کئچید پروسئسی، یئنی آنایاسا و سئچیملر ایله یاناشی ترور مسئلهسینی ده موذاکیره ائتمک ایسته دیگیمیزی دیله گتیردیک"-دئیه بیلدیردی.
بو آرادا اصرارلی سوال لارا باخمایاراق ساواشین باشلادیغی تاریخدن بو یانا حیاتینی ایتیرنلرین سایینی آچیقلامایی رد ائدن جعفری دئدی کی، نئچه نفرین حیاتینی ایتیردیگی بارهده سون معلوماتی بیلمیرم.
قئید ائدک کی، بیرلشمیش میللتر تشکیلاتینین نظارتیندکی 4-جو ژنو دانیشیقلاری فوریه آیینین 23-ده باشلامیش همین گؤروشلردن سونرا مارتین 14-ده قازاخیستانین پایتاختی آستانادا دانیشیقلار کئچیریلمهسی پلانلاشدیریلیر.