ژنوده سوریه موضوعلو گؤروشمه‌لر باشلادی
بیرلشمیش میللت‌لر تشکیلاتی سوریه اؤزل نماینده‌سی استعفان دی میستورا، بشار اسد رژیمی و مخالیفت هیاتیله، بیرلشمیش میللت‌لر تشکیلاتی بیناسیندا آیری-آیری بیر آرایا گلدی
سوئیس‌نین ژنو شهرینده بیرلشمیش میللت‌لر تشکیلاتی‌نین "گؤزتیمینده 4. تورو تشکیل ائدیلن سوریه موضوعلو گؤروشمه‌لر، ایکیطرف‌لی توپلانتی‌لارلا باشلادی.
بیرلشمیش میللت‌لر تشکیلاتی سوریه اؤزل نماینده‌سی استعفان دی میستورا، بشار اسد رژیمی و مخالیفت هیاتیله، بیرلشمیش میللت‌لر تشکیلاتی بیناسیندا آیری-آیری بیر آرایا گلدی.
میستورا اوّل، رژیمین بمت-دکی دایمی نماینده‌سی بشار جعفری باشقان‌لیق هیاتله گؤروشدو. تخمینن یاریم ساعت داوام ائدن گؤروشمه‌دن سونرا میستورا، مخالیفت هیاتیله بیر آرایا گلدی.
گؤروشمه‌یه مخالیف‌لر آدینا هیات باشقانی ناصر حریری، مذاکیره یوکسک کومیته‌سی باشقان کؤمکچی‌سی یحیی کادامانی و باش مذاکره‌چی محمد صبره قاتیلدی.
ژنو 4. دؤور دانیشیق‌لارین رسمی آچیلیشی ایسه گونورتا‌دان سونرا ائدیله‌جک.
میستورا گؤروشمه فورماتی‌نین هله بلیرسیز اولدوغونو دیله گتیررکن، مخالیلر دونن آخشام ائتدیک‌لری آچیقلامادا، واخت ایتکی‌سی یاشانماماسی اوچون، اسد رژیمی هیاتیله بیرباشا گؤروشمک ایستدیک‌لرینی وورغولامیشدی.
بمت-دکی آچیلیش ایجلاسینا، مخالیفت و بشار اسد رژیمی هیات‌لری‌نین یانیندا، روسیا، تورکیه، ایران و آمریکانین دا ایچینده اولدوغو بین الخالق دستک قروبوو عضو‌لری‌نین نماینده‌لری‌نین قاتیلماسی گؤزلنیلیر.
گؤروشمه‌لرده تورکیه‌ینی تمثیلن خاریجی ایشلر ناظیرلیگی اورتا شرق‌دن مسئول دانیشمان معاوینی سادات اؤنال و برابرین‌دکی هیات یئر آلیر.
آمریکانی سوریه اؤزل نماینده‌سی مایکل راتنی، روسیانی بمت ژنو-دکی دایمی نماینده‌سی آلکسی بوروداوکین تمثیل ائده‌جک.
روسیا خاریجی ایشلر ناظیرلیگی اورتا شرق و قوزئی آفریقا دیرکتورو سئرگئی ورشینین‌ین ده ژنوده اولماسی گؤزلنیلیر.
میستورا، دوننکی آچیقلاماسیندا دانیشیق‌لارین چرچیوه‌سی‌نین بمت امنیت شوراسی‌نین 2254 سایلی قراری اولدوغونو بیلدیرمیشدی.
سؤز موضوعسو قرار، مخالیفت و رژیم هیات‌لری‌نین مذاکیره‌لری سونوچلاندیرماسیندان سونرا، کئچید رهبرلیگی قورولماسینی نظرده توتور. یئنی رهبرلیگین 12 آیلیق دؤورده بیر آنایاسا حاضیرلاییب اؤلکه‌نی عدالت‌لی سئچیمه آپارماسی لازیمدیر.
