روحانی روسیایا گئدهجک
روحانینین موسکوادا روسیا پرزیدنتی ولادیمیر پوتین ایله گؤروشمهسی گؤزلنیلیر
ایران جمهورباشقانی حسن روحانینین، مارس آییندا روسیایا گئتمهسی پلانلاشدیریلیر.
روحانینین موسکوادا روسیا پرزیدنتی ولادیمیر پوتین ایله گؤروشمهسی گؤزلنیلیر.
کرملین سؤزچوسو دمیتری پئسکوو دا، روحانی ایله پوتین آراسیندا گئچیریلمهسی پلانلاشدیریلان بیر گؤروشمه اولدوغونو دوغرولادی.
گؤرشمهنین حاضرلیقلارینین ائدیلدیگینی ایفاده ائدن پئسکوو، سفرین تاریخینی سونرا آچیقلایاجاقلارینی قید ائتدی.
روحانینین سفری، روسیا و ایرانین سوریه قونوسوندا امکداشلیغی آرتیردیغی بیر دؤوره دنک گلهجک.
سوریهلی حکومت یئتکیلیلری و سلاحلی مخالیف قروپلارین نمایندهلری روسیا، ایران و تورکیهنین ضامنلیگینده گئچن هفته قازاقیستانین باشکندی آستانادا ایلک دفعه بیر آرایا گلمیشدی.
آستانا دانیشیقلارینین سونوندا بیرگه بیانات ایمضالایان 3 اؤلکه، سوریهدهکی آتیشکسین ایزلنمهسی و تطبیق اولونماسی اوچون اوچلو بیر مئکانیزم قورماغا قرار وئرمیشدی.
ایلگیلیلی خبرلر
یونانین مودافیعه ناظیری: تورکیه گمیقاییرماچیلیق ساحهسینده ایرلیده
نیکوس دندیاس یونان حربی دنیز قووهلرینین ایقتصادی بؤحران دؤورونده گئری قالدیغینی بیلدیریب