اولوسلار آراسی توپلوم، ایسرائیل - فیلیسطین پروبلمینه حلّ آختاریر
فرانسانین باشکندی پاریس‌ده تشکیل ائدیلن یاخین شرق باریش کونفرانسیندا تورکیه‌نی خاریجی ایشلر ناظیری مولوت چاووش اوغلو تمثیل ائتدی
اولوسلار آراسی توپلوم، ایسرائیل - فیلیسطین پروبلمینه حلّ آختاریر ...
فرانسانین باشکندی پاریس‌ده تشکیل ائدیلن یاخین شرق باریش کونفرانسیندا تورکیه‌نی خاریجی ایشلر ناظیری مولوت چاووش اوغلو تمثیل ائتدی.
فیلیسطین و ایسرائیلین قاتیلمادیغی توپلانتیدا، 2 دولت‌لی حلّین تک واریانت اولدوغو وورغولاندی.
بیرلشمیش میللت‌لر تشکیلاتی‌نین، ایسلام امکداش‌لیق تشکیلاتی و عرب بیرلیگی کیمی اولوسلار آراسی تشکیلات‌لارین یانیندا اونلارلا اؤلکه‌دن نماینده‌لر بیر آرایا گلدی.
توپلانتی‌یه تورکیه آدینا قاتیلان خاریجی ایشلر ناظیری مولوت چاووش اوغلو، اورتاق ایجلاس‌لارین خاریجینده بیر سیرا ایکیطرف‌لی گؤروشمه‌لر ده ائتدی.
ائو صاحبی فرانسانین پرزیدنتی فرانسوا اولاند ایسرائیلین اولوسلار آراسی حقوقا ضد ائو تیکینتی‌لری‌نین منفی تأثیرلرینه دقت چکدی.
بؤلگه‌ده طرف‌لرین بیر-بیرینه اعتمادی آزالارکن، شدتین ده دیرماندیغینی خاطیرلا‌دان اولاند،
"ایسرائیل و فیلیسطینی آراسین‌داکی بیرباشا مذاکیره‌لرین تک حلّ یولو اولدوغونو دوشونورم. کئچمیشده ایره‌لیلمه دایم مذاکیره یولو ایله اولدو. باریش مدتینده آخساق‌لیق‌لار دا دایم دیالوق اسکیکلیگین‌دن قایناقلاندی. 2 دولت‌لی حلّ شرط و هر کسین فایداسینا" دئدی.
توپلانتی سونراسی اورتاق بیاناتی آچیقلایان فرانسیز خاریجی ایشلر ناظیری ژان مارک آیرو دا حلّین آکتوال‌لیغینی ایفاده ائتدیگینی وورغولادی.
آیرو،
"مقصد اؤلمکده اولان بیر پروسه‌یه مثبت بیر ایشلییش قازان‌دیرماق ...
توپلانتیدا 3 تکلیف گوندمه گلدی. بیر مذاکیره چرچیوه‌سی یارادیلارکن 1967 مرزلری‌نین اساس آلینماسی، ایکی طرفین بیرباشا مذاکیره‌لره باشلاماسی و ایقیتصادی تشویق‌لر تامین ائدیلمه‌سی." دئدی.
قاتیلیمچی‌لار، هم فیلیسطین، هم ده ایسرائیل دولتینی ایچه‌ره‌رک بؤلگه‌ده ایقیتصادی امکداش‌لیغی تشویق ائده‌جک یاتیریم پروژه‌لری موضوعسوندا گؤروش بیرلیگینه واردی.
